यस्तो छ रन्जु दर्शनाको कुरा

२८ कार्तिक, हेटौँडा । भुकम्पको पुर्ननिर्माणको राहत बाड्न नसक्ने भएरमात्रै दलहरुले संविधान बनाएको विवेकशिल साझा पार्टीकी केन्द्रीय सदस्इ रन्जु दर्शनाले आरोप लगाएकी छिन् ।

२०७२ साल बैशाखमा भुकम्प नआएको भए जनताले संविधान नपाउने भन्दै उनले भुकम्प पछि पुर्ननिर्माण झन्झटिलो भएपछि देखाउनका लागि भने पनि संविधान बनाएको आरोप लगाईन् ।  चुनाव प्रचारप्रसारको क्रममा हेटाँैडाको बुद्धचोकमा आयोजना भएको कोणसभामा उनले पुराना अनुहारकै हालिमुहाली राजनितिमा रहेकाले विगतमा बाध्य भएर तिनै नेताहरुलाई भोट दिनु परेको बताईन् । उनले जनताले बर्षौदेखिका पुरानालाई जिताउनुपर्ने बाध्यतालाई चिर्न बिवेकशिल साझा पार्टिले आफ्ना योग्य एवम् क्षमतावान युवा उम्मेदवारहरु उठाएको बताईन् । 
कार्यक्रममा साझा पार्टिका प्रतिनिधि सभा क्षेत्र नम्बर १ का उम्मेदवार सरोज कोईराला, प्रतिनिधि सभा क्षेत्र नं २ का उम्मेदवार सिंहबहादुर मोक्तान, प्रदेश सभा १ प्र्रदेश ख की उम्मेदवार प्रतिभा डङ्गोल र ख का मुकेश प्रसाद चौधरी लगायतले मन्तव्य व्यक्त गरेका थिए । कार्यक्रम विवेकशिल साझा पर्टि मकवानपुरका सभापति महेश पाठकको अध्यक्षता रहेको थियो ।