नगरबस सञ्चालनमा आयो (फोटो फिचर सहित)

प्रालीका अध्यक्षलाई बसको साँचो हस्तान्तरण गदैॅ प्रमुख महत र पहरी उपरीक्षक श्रेष्ठ #फोटोःसुनिल शिवाकोटी प्रस्ट खबर

२ असार, हेटौँडा । शनिवारबाट हेटौँडा नगरपालिका र आसपासका गाउँपालिकामा समेत यात्रुहरुलाई सेवा दिने उद्देश्यले नगर बस सञ्चालनमा आएको छ ।
मकवानपुर साझा यातायात प्रालिले सञ्चालनमा ल्याएको उक्त नगर बसको  शनिवार एक कार्यक्रमका विच हेटौँडा उपममहानगरपालिकाका प्रमुख हरिबहादुर महत र मकवानपुरका प्रहरी उपरिक्षक लोकेन्द्र श्रेष्ठले संयुक्त रुपमा उद्घाटन गरेका छन् ।
उद्घाटन कार्यक्रममा बोल्दै प्रमुख महतले नगर बसले नगरबासि र आसपासका गाउँबासिलाई सेवा पुग्ने विश्वास व्यक्त गरे । उनले निकट भविष्यमै यो सेवालाई नगर आसपासका गाउँपालिकाहरुमा समेत सेवा विस्तार गर्ने बताए । उनले नगरपालिकाले बस सञ्चालनमा समन्वय गरेको जानकारी दिए ।
कार्यक्रममा मकवानपुरका प्रहरी प्रमुख प्रहरी उपरिक्षक श्रेष्ठले नगरबस सञ्चालनले नगरबासीलाई सुविधा दिनेमा विश्वास व्यक्त गर्दै प्रहरीले शन्तिसुरक्षामा कुनै कसुर बाँकि नराख्ने प्रतिवद्धता जनाए । उनले ट्राफिक नियम पालन गरी बस सञ्चालनमा ल्याउन समितिलाई आग्रह गरे ।
 प्रालिका अध्यक्ष भेष खड्गीको सभाध्यक्षतामा सम्पन्न कार्यक्रममा नेपाल पत्रकार महासंघ ३ नम्बर प्रदेशका अध्यक्ष प्रताप विष्ट, वडा नम्बर १ का वडा अध्यक्ष सविन न्यौपाने, १२ नम्बर वडाका वडा अध्यक्ष ललित घलान, १७ नम्बर वडाका वडा अध्यक्ष भैरब राई, नेपाल पत्रकार महासंघका अध्यक्ष हरि हुमागाई लगाएतकाको उपस्थिति रहेको थियो ।
प्रालिले हालका लागी सहचालक महिला सहितको १० वटा बस सञ्चालनमा ल्याएको छ ।