नेविसंघ वन विज्ञान हेटौँडाको अध्यक्षमा खड्का

१५ पुस, हेटौँडा । नेपाल विद्यार्थी संघ वन विज्ञान अध्यक्ष संस्थान (फरेष्ट्रि) हेटौँडाको अध्यक्षमा ललित जंग खड्का सर्वसम्मत चयन भएका छन् । 
आइतबार भएको अधिवेशनबाट खड्काको अध्यक्षतामा २५ सदस्यीय नयाँ कार्यसमिति चयन भएको नेपाल विद्यार्थी संघका जिल्ला सहसचिव एवम् अधिवेशन प्रतिनिधि लक्ष्मीकान्त पौडेल (सुरेन्द्र)ले जानकारी दिए । यसैगरी समितिको उपाध्यक्षमा प्रदीप विक्रम शाह , विनय कुमार, नरेश भण्डारी, मुकुन्द पौडेल, सुस्मिता खड्का र मुन्ना चौधरी चयन भएका छन् । त्यसैगरी सचिवमा विशाल कोईराला, सहसचिव वेदप्रकाश यादव, कोषाध्यक्ष युव्या शर्मा र सदस्यहरुमा भरत रोकाया, भुवन जोशीलगायतका रहेका छन् । 
नेपाल विद्यार्थी संघ वन विज्ञान अध्ययन संस्थानका अध्यक्ष पंकज ठाकुरको अध्यक्षतामा भएको कार्यक्रममा नेपाली काँग्रेस जिल्ला सचिव बुद्ध लामाको प्रमुख आतिथ्यता रहेको थियो । कार्यक्रममा काँग्रेस जिल्ला कोषाध्यक्ष गोपीलाल विश्वकर्मा, काँग्रेस प्रचारप्रसार विभाग प्रमुख प्रदीप कोईराला, नेविसंघ अध्यक्ष राजु खतिवडा, तरुण दल मकवानपुरका अध्यक्ष ईश्वर पाठक, तरुण नेता विकेशलाल श्रेष्ठलगायतकाको उपस्थिति रहेको थियो ।