प्रदेशसभामा प्रयोग गरे पाण्डेले अमर्यादित शब्द

File Photo

१३ फागुन, हेटौँडा । आइतबार बसेको ३ नम्बर प्रदेश सभाको पाँचौ बैठकमा नेकपा एमालेका प्रदेशसभा सदस्य राजेन्द्रप्रसाद पाण्डेले अमर्यादित भाषाको प्रयोग गरेका छन् । सभामा उपस्थित प्रदेशसभा सदस्यहरुलाई ‘शिक्षक’ शैलीमा मर्यादाको पाठ पढाएका पाण्डे आफैले भने अमर्यादित भाषा प्रयोग गरेका हुन् । 
३ नम्बर प्रदेश सभा बैठकमा ‘३ नम्बर प्रदेशको प्रदेशसभा नियमावली २०७४’ पेश गर्दै पाण्डेले प्रदेश सभा सदस्यहरुलाई लामै पाठ पढाउन भ्याए । उनले आफु २०४८ सालदेखि संसदभित्र रहेको पृष्ठभुमि सुनाउँदै आप्mनो धारणा राखेका पाण्डेले कसरी बोल्ने, सम्बोधन कसरी गर्ने लगायतका फेहरिस्त प्रदेशसभा सदस्यहरुलाई सिकाउन भ्याए । उनले संसदीय अभ्यानसमा कतिपय पुराना र कतिपय नयाँ रहेको भन्दै व्यापार व्यवसाय लगायतका क्षेत्रमा निपूर्ण भएपनि संसदीय मर्यादा सिक्न सुझाव दिए । 
उनले आफु नेतृत्वको समितिले तयार पारेको नियमावलीको मस्यौदा देखाउँदै नजान्ने प्रदेशसभा सदस्यलाई त्यसले सिकाउने र त्यतिले पनि नजाने जान्नेहरुसंग सिक्न समेत सुझाव दिएका थिए । बोल्ने क्रममा विगतमा संसद र संविधानसभामा कुर्सी हान्ने, गलबन्दीले सभामुखलाई तान्ने लगायतका गतिविधि भएको उदाहरण प्रस्तुत गर्दै मर्यादामा रहन समेत सुझाव दिएका थिए । तर उनले यही मर्यादा सिकाईरहँदा आफुले भने अमर्यादित शब्द प्रयोग गरेका थिए । उनले माथिका जस्ता गतिविधि भए मयार्दापालकले ‘मुन्ट्याएर’ लैजाने भन्दै अशिष्ट भाषा प्रयोग गरेका थिए । 
उनले पार्टीभित्रको आन्तरिक असन्तुष्टिसेमत प्रदेशसभामा पोखेका थिए । उनले मूख्यमन्त्री र मन्त्रीहरु जिल्ला भ्रमणमा हिडेको प्रति कटाक्ष गर्दै जनताले सोध्दा जवाफविहिन हुने काम नगर्न सुझाव दिएका थिए । आफ्नो संसदीय दलको बैठकमा मूख्यमन्त्री तथा मन्त्रीहरुलाई सुझाव दिनुपर्ने विषयमा पाण्डे संसदमै विपक्षी दलको नेता जसरी प्रस्तुत भईरहँदा सत्तापक्षीय प्रदेशसभा सदस्यहरु मुखामुख गरिरहेका थिए । ‘अरुलाई मर्यादाको लामो पाठ पढाउनेले आफुले कसरी र कस्तो भाषा बोल्ने जान्नुपर्ने हो ।’–एक प्रदेशसभा सदस्यले भने–‘उहाँले प्रयोग गर्नुभएको ‘मुन्ट्याएर’ भन्ने शब्द अशिष्ट र अमर्यादित छ ।’ 
पाण्डले आफुलाई प्रदेशसभाको शिक्षक र अन्य प्रदेशसभा सदस्यलाई विद्यार्थी जसरी प्रस्तुत गर्नु नै ठूलो कमजोरी भएको ति नेताको भनाई छ । आगामी बैठकमा पनि यस्तै प्रस्तुति रहे चुप नलाग्ने नेपाली कांग्रेसका एक प्रदेशसभा सदस्यले बताए ।