मूख्यमन्त्रीद्वारा प्रदेश–३ को बस्तुस्थिति विवरण सार्वजनिक

२२ साउन, हेटौँडा । प्रदेश नम्बर ३ का मूख्यमन्त्री डोरमणी पोडेलले ‘प्रदेशको बस्तुस्थिति विवरण २०७५’ नामक पुस्तक मंगलबार हेटौँडामा सार्वजनिक गरेका छन् ।

प्रदेश नम्बर ३ को प्रदेश नीति तथा योजना आयोगले तयार पारेको ‘प्रदेशको बस्तुस्थिति विवरण २०७५’ नामक पुस्तक मूख्यमन्त्री पौडेलले सार्वजनिक गरेका हुन् । जिल्ला समन्वय समितिको सभाहलमा भएको कार्यक्रममा उनले ठोस योजना विनाको विकास टिकाउ नहुने बताएका थिए । उनले दिर्घकालिन विकासका लागि योजनासहित अघि बढ्नुपर्ने बताउँदै यसका लागि सार्वजनिक गरिएको पुस्कतक उपयोगी हुने बताए । उनले नेपालमा हुने विकासका काम योजनाबद्ध ढंगले नहुँदा गुणस्तरीय र प्रभावकारी हुन नसकेको समेत बताए ।

प्रदेश नम्बर ३ को प्रदेश नीति तथा योजना आयोगका उपाध्यक्ष खिमलाल देबकोटाको सभाध्यक्षतामा भएको कार्यक्रममा कार्यक्रममा प्रदेश नम्बर ३ का सभामुख सानुकुमार श्रेष्ठ, सामाजिक विकास मन्त्री युवराज दुलाल, आर्थिक मामिला तथा योजना मन्त्री कैलाश ढुंगेल, कृषि, भुमि व्यवस्था तथा सहकारी मन्त्री दावादोर्जे लामा, वन, वातावरण, उद्योग एवं पर्यटन मन्त्री अरुण नेपाल, प्रदेश ३ का मूख्य सचिव रेश्मीराज पाण्डे लगायतको सहभागिता रहेको थियो । 

पुस्तकमा प्रदेश नम्बर ३ का सबै क्षेत्रको सूचकहरु बारे जानकारी दिईएको छ ।