लिंकेज एकेडेमीले धुमधामले मनायो सरस्वती पूजा

  २७ माघ, हेटौँडा । माघ शुक्ल पञ्चमी अर्थात श्रीपञ्चमी पर्व विद्याकी देवी सरस्वतीको पूजा आराधना गरी मनाइने गरिन्छ । विशेष गरी विद्या आर्जन हुन स्थान विद्यालय, क्याम्पसमा धुम धामले विद्याकी देवी सरस्वतीको पूजा आराधना गरी मनाइने गरीन्छ । 
यसै क्रममा हेटौँडा ४ स्कुलरोडमा रहेको लिंकेज एकेडेमीले पनि सरस्वती पुजा धुमधामले मनाएको छ । सिटिभिटिबाट मान्यताप्राप्त एकेडेमीले परिसरमै विद्यार्थी अभिभावक ,शिक्षक तथा समाजका प्रतिष्ठित व्यक्ति,विभिन्न संघ सस्याका प्रतिनिधिहरुको, विद्यार्थी संगठनका प्रतिनिधिहरुको सहभागितामा  पूजा सम्पन्न गरेको हो  । 
सरस्वती विद्याको देवी भएकाले समाजका हरेक व्यक्तिहरुलाई सहभागि गराएर कार्यक्रम गरिएको एकेडेमिका संचालक गिरिजा अधिकारीले बताए । अधिकारीले पुजा समारोहमा हेटौँडा सिमेन्ट उद्योग लिमिटेड सञ्चालक समिति अध्यक्ष रघुरमण न्यौपाने, सिद्धार्थ मा विका प्राचार्य मोहनशर्मा,काग्रेस हेटौँडा नगर सभापति आनन्दराम पराजुली, ने वि संघ मकवानपुर सभापति राजु खतिवडा,अनेरास्ववियु मकवानपुरअध्यक्ष सन्तोष पौडेल, जि पि फाउनडेसनका नारायण लम्साल,मामाघर नेपालका संरक्षक अपर्ण पराजुली, मकवानपुर बहुमुखी क्याम्पस स्ववियु सभापति कुमार केसी, पत्रकार पुस्तक व्यवसायी लगायत विभिन्न विद्यालय तथा क्याम्पसका प्रमुख  तथा प्रध्यापकहरुको उपस्थिती रहेको बताए । 
एकेडेमिले मेन्टेश्वरी तयारी कक्षा, जापानिज भाषा तयारी कक्षा, लोक सेवा तयारी कक्षा, र्नसिङ तथा एसइई पछिको तयारी कक्षा लगायत हाउस वाइरिङ्, प्लम्बिङ् र सिटिभिटिबाट मान्यताप्राप्त कक्षाहरु संचालन गर्दै आएको छ ।