६ नम्बर वडाको पहिलो प्राथमिकता खानेपानी : चौलागाई

१६ असार, हेटौडा । हेटौडा उपमहानगरपालिका ६ का वडा अध्यक्ष अर्जुनप्रसाद चौलागाईले वडाको पहिलो प्राथमिकता खानेपानी भएको बताएका छन् ।  
चौघडामा शनिबार आयोजित सुरक्षित खानेपानी तथा सरसफाई सम्वन्धी सचेतनामुलक कार्यक्रममा बोल्दै उनले यस्तो बताएका हुन् । स्वच्छ खानेपानी खान पाउने जनताहरुको नैसर्गिक अधिकार भएको उल्लेख गर्दै वडा अध्यक्ष चौलागाईले सबैको सामुहिक प्रयास र सहयोगबाट ६ नम्बर वडाका सबै स्थानमा खानेपानी पु¥याउन वडा समिति सदैव क्रियाशिल रहने बताए । 
नेपाल फिलोसेफिकल रिसर्च सेन्टर काठमाण्डौको आयोजना,हेटौडा खानेपानी व्यवस्थापन बोर्डको सहकार्य र हेटौडा उपमहानगरपालिका ६ नं. वडा समितिको सहयोगमा कार्यक्रम भएको हो । कार्यक्रममा सेन्टरका डा. मायानाथ घिमिरेले सहिजकरण गरेका थिए ।
रानी सामुदायिक वन उपभोक्ता समूहका अध्यक्ष कृष्ण विडारीको अध्यक्षतामा भएको कार्यक्रममा हेटौडा खानेपानी व्यवस्थापन बोर्डका कार्यकारी निर्देशक सुर्दशन ढकाल, सामुदायिक वन उपभोक्ता महासंघ,मकवानपुर जिल्ला समन्वय समितिका अध्यक्ष साधुराम चौलागाई, बोर्ड सदस्य कृष्ण धिताल,कर्मचारी माधव चौलागाई लगायतको उपस्थिति रहेको थियो ।
कार्यक्रममा टोल विकास संस्था, स्थानीय र संचारकर्मी गरी ३५ जनाको सहभागिता थियो ।