श्रीकृष्ण प्रणामी युवा परिषदबाट सम्मान कार्यक्रम

हाजिरी प्रतियोगितामा दोस्रो हुने जिएस निकेतन

१४ भदौ, हेटौँडा । श्रीकृष्ण प्रणामी युवा परिषद मकवानपुरको आयोजनामा श्रीकृष्ण जन्माष्टमीको अवसरमा शनिबार सम्मान तथा पुरस्कार वितरण कार्यक्रम सम्पन्न भएको छ । परिषदले धार्मिक एवं सामाजिक व्यक्तित्व, एसईई उर्तिण प्रणामी समुदायका विद्यार्थीलाई सम्मान र हाजिरीजवाफ प्रतियोगिताका विजयीलाई पुरस्कार वितरण गरेको हो । 
कार्यक्रममा धार्मिक व्यक्तित्व हेटौँडा–१६ का शिवप्रसाद ढकाल, सामाजिक व्यक्तित्व हेटौँडा–६ का कृष्णप्रसाद सञ्जेल र एसईईमा उत्कृष्ट अंक ल्याउने मनहरीका विपिन आचार्य, हेटौंडा–१६ का पूर्णिमा बजगाई र हेटौँडा–१७ का अनिष सापकोटालाई सम्मान गरिएको थियो । त्यसैगरी, हाजिरी प्रतियोगितामा पहिलो हुने जनप्रिय मावि, दोस्रो हुने जिएस निकेतन र तेस्रो हुने नबोदय शिशु सदनलाई पुरस्कार वितरण गरिएको थियो ।
श्रीकृष्ण प्रणामी सेवा समितिका केन्द्रीय सदस्य रामकृष्ण तिवारीको प्रमुख आतिथ्यता एवं युवा परिषद मकवानपुरका अध्यक्ष जयप्रकाश घिमिरेको सभाध्यक्षतामा कार्यक्रम भएको थियो । कार्यक्रममा युवा परिषदका पूर्व केन्द्रीय अध्यक्ष रामप्रसाद शर्मा, पूर्व केन्द्रीय उपाध्यक्ष रामप्रसाद खनाल, पूर्व जिल्ला अध्यक्षहरु मोहन बस्ताकोटी, घनश्याम ढकाल, संरक्षक तिलकप्रसाद दुलाल लगायतले मन्तव्य व्यक्त गरेका थिए ।