हेटौँडाको छुट्टाछुट्टै स्थानबाट लागुऔषध सहित ४जना पक्राउ

१५ भदौ, हेटौँडा । मकवानपुर प्रहरीले लागु औषध सहित ४ जनालाई पक्राउ गरेको छ।प्रहरीले हेटौँडा उपमहानगरपालिका भित्रको छुट्टा छुट्टै दुई स्थानबाट ४ जनालाई लागु औषध सहित पक्राउ गरेको हो।
प्रहरी चौकी बसपार्कबाट प्रहरी सहायक निरीक्षक  सुरेन्द्र हजराको कमाण्डमा खटि गएको गस्ती टोलिले बसपार्क क्षेत्रमा शंकास्पद अवस्थामा हिंडिरहेका  हेटौँडा ११ बस्ने बर्ष २२ को अनुप कप्रौलालाई चेकजाँच गर्दा निजको साथबाट लुकाई छिपाई ल्याएको लागु औषध नाईट्रोभेट ३७० ट्याबलेट फेला परेको  ओसार पसारमा संलग्न  हेटौँडा ११ बस्ने वर्ष २० को राज श्रेष्ठलाई लागु औषध सहित पक्राउ गरिएको  जिल्ला प्रहरी कार्यालय मकवानपुर प्रहरी प्रवक्ता प्रहरी नायव उपरीक्षक यज्ञ प्रसाद भट्टराईले बताएका छन ।
त्यसैगरी ईलाका प्रहरी कार्यालय पदमपोखरीबाट प्रहरी नायव निरीक्षक  मधुसुदन बिष्टको कमाण्डमा खटिगएको गस्ती टोलिले
हेटौँडा १३ गुम्बा चोक स्थितमा शंकास्पद रुपमा बसेका २ जना हेटौँडा १२ पदमपोखरी बस्ने २२ बर्षीय राजेन्द्र थिङ र सोही ठाँउ बस्ने २६ बर्षीय बिष्णु नगरकोटी लाई चेक जाँच गर्दा निजहरुको साथबाट लागू औषध फेनारगन ४८ एम्पुल,नुफिन ४७ एम्पुल,डाईजोपाम ४७ एम्पुल बरामद गरिएको  प्रहरीले जनाएको छ । पक्राउ परेका ४जनामाथी आवश्यक अनुसन्धान तथा कारवाही भइरहेको  प्रहरी प्रवक्ता प्रहरी नायव उपरीक्षक यज्ञ प्रसाद भट्टराईले बताएका छन ।