२ मंसिर, हेटौंडा । मंसिर २१ गते हुन लागेको प्रतिनिधि र प्रदेशसभा निर्वाचनका लागि अहिले उम्मेदवारहरु प्रचारप्रसारमा व्यस्त छन् । आफ्नो पार्टीको उम्मेदवारलाई विजय गराउन सबै नेता कार्यकर्ता चुनावी अभियानमा जुटिरहेका छन् ।
लोकतान्त्रिक र बामगठबन्धन बनाएर प्रमुख दल चुनावी मैदानमा उत्रदा चुनावी भिडन्त प्रतिष्पर्धी बनेका कारण पनि दुबै पक्षले आफ्नो सम्पूर्ण शक्ति मैदानमा उतारेको छ । चुनावी अभियानमा स्थानीय तहमा हार व्यहोरेका नेता देखि विजय भएका जनप्रतिनिधिसमेत जुटिरहेका छन् । तर ठूलो प्रतिष्पर्धाबाट बाजी मारेका हेटौँडा उपमहानगरपालिकाका मेयर हरिबहादुर महत ‘हरिबोल’ भने अहिले यो माहोलबाट हराएका छन् ।
उपप्रमुख मिना लामा चुनावी अभियानमा समय मिलाएर पुग्ने गरेपनि महत भने अहिलेसम्म चुनावी अभियानमा नदेखिएसंगै अहिले उनको खोजि शुरु भएको छ । महत चुनावी अभियानमा नदेखिनुमा तिहारमा चर्चामा आएको उनको ‘बन्दुक देखाएर महिला तर्साएको’ घटना प्रमुख कारण भएको राजनैतिक वृत्तमा छलफलको विषय बनेको छ । विगतमा महतले गरेका काम र भाषण जनताले रुचाउने गरेका कारण चुनावी प्रचारमा उनी उपस्थित हुँदा सकारात्मक प्रभाव पर्ने गरेकोमा उनी कुनै कार्यक्रममा नदेखिनुमा तिहारको घटना प्रमुख भएको एक नेताले बताए ।
स्थानीय तहको निर्वाचनमा विपक्षी र मधेश केन्द्रित दलले मधेश विरोधी नेताको रुपमा चित्रण गरेपछि एमालेले अध्यक्ष केपि ओलीलाई चुनावी अभियानको अन्त्य तिर राजमार्ग छेउका केही स्थानमा मात्रै लगेको थियो । अहिले ठिक त्यही शैलीमा एमाले मकवानपुरले महतलाई ‘लुकाएको’ विपक्षीहरुले भाषण गरिरहेका छन् । महतको तिहार घटनाले उनी बारे जिल्लामा नकारात्मक भावना रहेकाले एमालेले उपप्रमुख मिना लामालाई जनतामाझ प्रस्तुत गरेपनि महतलाई अघि नसारेको कांग्रेसका नगर सभापति एवं उनका चुनावी प्रतिष्पर्धी आनन्दराम पराजुलीले बताए । ‘मत दिएर विकास गर्न पठाएको मान्छे विकासमा सिन्को नभाँच्ने ।’–उनले भने–‘उल्टो महिला दिदिविहिनीलाई बन्दुक देखाएर तर्साउने गरेपछि महतको छवि विग्रिएको छ ।’ विजय भएको ६ महिना नाघिसक्दा पनि महत नेतृत्वको हेटौँडा उपमहानगरपालिकाले देखिने एउटा पनि काम गर्न नसकेकोले चुनावी अभियानमा जाँदा जनताले प्रश्न गर्ने डर एमाले र महतलाई रहेको पराजुलीको आरोप छ । महत चुनावी अभियानमा जाँदा भोट घट्ने भएकाले उनलाई पार्टीले गतिविधिमा सहभागी नगराएको विपक्षीहरुको आरोप छ ।
तर, नेकपा एमाले मकवानपुर भने विपक्षीहरुले यो विषयलाई अतिरन्जित गरेको बताउँछ । एमाले मकवानपुरका सचिव एवं प्रवक्ता एकलाल श्रेष्ठले महतलाई आवश्यकता अनुसार पार्टीले चुनावी गतिविधिमा सहभागी गराईरहेको बताए । ‘उहाँ जनप्रतिनिधि पनि हो, जनताको काम छोडेर चुनावी अभियानमा लाग्नु उपयुक्त पनि हुँदैन ।’–श्रेष्ठले भने–‘लुकाएको भन्ने कुरा गलत हो, आवश्यकता अनुसार उहाँ पार्टीको चुनावी गतिविधिमा सहभागी हुनुहुन्छ ।’
१४ बैशाख, काठमाडौं । बैशाख १६ गतेदेखि सात जिल्लामा हात्तीपाइलेविरुद्धको औषधि खुवाइने भएको छ । झापा, धनुषा,...
१४ बैशाख, काठमाडौं । प्रधानमन्त्री पुष्पकमल दाहाल र एसियाली विकास बैंकका उपाध्यक्ष इङमिङ याङबीच शिष्टाचार भेट...
१४ बैशाख, काठमाडौं । नेपाल र चीनबीच शुक्रबार दुई महत्त्वपूर्ण सम्झौतामा हस्ताक्षर भएको छ । अर्थ मन्त्रालयमा...
१४ बैशाख, हेटौंडा । काठमाडौँको न्युरोडबाट एक किलो ८ सय ग्राम सुन र डेढ करोड नगदसहित ७ जना पक्राउ परेका छन् । पक्राउ...
१४ बैशाख, हेटौंडा । कक्षा १२ परीक्षा आजदेखि देशभर एकैसाथ शुरु भएको छ । बैशाख २६ गतेसम्म बिहान ८ बजेदेखि ११...
१४ बैशाख, हेटौंडा । हाल नेपालमा पश्चिमी वायु र स्थानीय वायुको आंशिक प्रभाव रहेको छ । गण्डकी, कर्णाली र...
१४ बैशाख, हेटौंडा । बागमती प्रदेशमा हाल ४६ जना औलोको रोगी रहेको जानकारी दिइएको छ । विश्व औलो दिवस २०८१ को अवसरमा...
१४ बैशाख, हेटौंडा । रौतहटको राजपुर बमकाण्डका आरोपित आलमसहित ४ जनालाई जन्मकैदको फैसला भएको छ । जिल्ला अदालत...
१४ बैशाख, हेटौंडा । नगर क्षेत्रमा रोजगारीको अभाबमा रहेका युवाहरुलाई रोजगारी श्रृजना गर्ने अभियानमा हेटौंडा...
नेपालमा शैक्षिक बर्ष २०८१ को विद्यालय भर्ना अभियान शुरु भएको छ । मकवानपुरमा पनि विद्यालयहरु विभिन्न...
४ बैशाख, हेटौंडा। हेटौंडा ६ रामनगरमा आगलागी भएको छ, उक्त आगलागी एकजना घाइते भएका छन्। मंगलबार साँझ रामनगर स्थित...
१२ बैशाख, हेटौंडा । बागमती प्रदेश सरकारले वैशाख २४ गते सार्वजनिक बिदा दिने निर्णय गरेको छ । प्रदेश सरकारको बुधवार...
९ बैशाख, हेटौंडा। पूर्व पश्चिम राजमार्ग अन्तर्गत हेटौंडा-१० मा भएको सवारी दुर्घटनामा घाईते व्यक्तिको उपचारको...
४ बैशाख, हेटौंडा। हेटौंडा सहित कैलाश र मकवानपुरगढीका विभिन्न स्थानमा मंगलबार १२ घण्टा विद्युत आपूर्ति...
१० बैशाख, हेटौंडा। सरकारले मंगलबार सार्वजनिक बिदा दिएको छ। कतारका राजा अमिर शेख तमिम बिन हमाद अल थानीको नेपाल...
१२ बैशाख, हेटौंडा। त्रिभुवन राजपथ अन्तर्गत मकवानपुरको भीमफेदी-३ त्रिखण्डी नजिक मोटरसाइकल सुमोसँग ठक्कर खादा...
८ बैशाख, हेटौंडा। हेटौंडा औद्योगिक क्षेत्रमा रहेको कार्टुन उद्योगमा आगलागी भएको छ।आइतबार बिहान हेटौंडा-८ मा...
आइतबार दिउँसो आएको हावाहुरीले हेटौंडा १३ स्थित ४ वटा घरमा क्षती पुगेको छ।आइतबार दिउँसोको हावाहुरीले हेटौंडा १३...