मउवासंघको टोलीबाट उद्योग र बाणिज्यमन्त्रीसँग भेट

१७ भदौ, हेटौँडा । मकवानपुर उद्योग वाणिज्य संघका महासचिव महेन्द्र राउत नेतृत्वको एक टोलीले उद्योगमन्त्री नवीन्द्रराज जोशी र बाणिज्य मन्त्री रोमी गौचन थकालीसँग भेट गरेको छ ।

भेटमा टोलीले मकवानपुरको आर्थिक क्षेत्रको समस्याबारे अवगत गराउँदै समाधानका लागि आग्रह गरेको थियो । टोलीले उद्योगमीमन्त्री जोशीसँगको भेटमा हाल बन्द रहेको बसामाडीको युनिलिभरको समस्या समाधानका बारेमा छलफल गरेको छ । पुरानो औद्योगिक क्षेत्र रहेको मकवानपुरलाई लोडसेडिङमुक्त गराउन आवश्यक पहलका लागि जोशीको ध्यानाकर्षण गराएको महासचिव राउतले बताए । जोशीले उद्योगी व्यवसायीको समस्या समाधानका बारेमा आफुले सम्बन्धित निकायलाई निर्देशन दिने बताए । उनले उद्योग व्यवसाय फस्टाए मात्रै देश विकास हुने र बेरोजगारीको संख्यामा समेत कमी आउने भएकाले यसबारे सरकार गम्भिर रहेको दावि गरे ।
बाणिज्य मन्त्री थकालीसँगको भेटमा समस्याको रुपमा रहेको न्युन विजकीकरणबारे छलफल भएको थियो । टोलीले बजार अनुगमनलाई विक्रेतामा मात्रै सिमित गर्नु भन्दा उद्योगसम्म विस्तार गर्नुपर्ने सुझाव दिएको थियो । मन्त्री गौचनले मन्त्रीपरिषदमा गरि समस्या समाधान गरिने प्रतिबद्धता व्यक्त गरेका छन् । तस्विर सौ.–मउवासंघ