हेटौंडामा लागुऔषध सहित ५ जना प्रहरी नियन्त्रणमा

३० भदौ, हेटौंडा । जिल्ला प्रहरी कार्यालय मकवानपुरले लागुऔषधसहित ५ जनालाई नियन्त्रणमा लिएको छ । प्रहरीले हेटौंडाको फरक फरक स्थानबाट लागुऔषध सहित उनीहरुलाई नियन्त्रणमा लिएको हो । 
प्रहरीले लागुऔषध खैरो हिरोइन सहित २ जनालाई पक्राउ गरेको हो । प्रहरी कार्यालय मकवानपुरबाट खटिएको प्रहरी टोलीले हेटौडा उपमहानगरपालिका–१० भुटनदेवी मोडबाट एक पूरुष र एक महिलालाई पक्राउ गरेको जिल्ला प्रहरी कार्यालय मकवानपुरले जानकारी दिएको छ । 
पक्राउ पर्नेमा हेटौडा–५ पिप्ले घर भई हाल हेटौंडा–११ नवलपुर बस्ने वर्ष ३१ को दिपेन्द्र सुनार र बागमती गाउँपालिका–६ बस्ने वर्ष २१ की रुपा विश्वकर्मा रहेका छन् । शंकाको आधारमा उनीहरुलाई खानतलासी गर्ने क्रममा कालो रुमाल भित्र लुकाई छिपाई ल्याएको अवस्थाको १२ ग्राम ७४० मिली ग्राम खैरो हेरोइन फेला परेको प्रहरीले जनाएको छ । 
त्यस्तै प्रहरीले ६ किलो सहित ३ जना पक्राउ गरेको छ । हेटौंडा–१० बसपार्कबाट सो परिमाणको लागूऔषध गाँजासहित ३ जना पुरुषलाई पक्राउ गरिएको प्रहरीले बताएको छ । 
पक्राउ पर्नेमा पर्साको पर्सागढी नगरपालिका–९ टाँगा बस्ने बर्ष ३२ को मनोज यादव, सोही स्थान बस्ने बर्ष ३० अमिरलाल प्रसाद यादव र बर्ष ४५ को जंगबहादुर पासवन रहेका छन् । 
विशेष सुचनाको आधारमा जिल्ला प्रहरी कार्यालय मकवानपुरबाट खटिएको प्रहरी टोलीले उनीहरुको साथबाट लागूऔषध गाँजा बरामद गरेको हो ।