हेटौंडा ६ शान्तिटोलमा घर नम्वर राख्न सुरु

३, भदौं, हेटौडा । हेटौडा–६, शान्तिटोलमा रहेको शान्तिटोल टोल विकास संस्थाले प्रत्येक सदस्यको घरमा घर नम्वर राख्न शुरु गरेको छ । 
घर नम्वर राख्ने कार्यको शुभारम्भ गर्दै हेटौडा– ६ का वडा अध्यक्ष विष्णु बहादुर दाहालले टोल विकास संस्थाले रचनात्मक कार्य गरेको बताउदै यस्ता कार्य अन्य टोल विकास संस्थाले पनि गर्नु पर्ने बताए । घर नम्वरको माध्यमबाट सदस्यको पहिचान हुने टोल विकास संस्था अध्यक्ष केशव धितालले बताए । 
टंक प्रसाद सापकोटाको घरबाट घर नम्वर राख्न शुरु गरिएको हो । टोलमा हाल १ सय १० घरधुरी रहेका छन । टोल विकास संस्थाको आफनै भवन रहेको छ भने यसै भवनमा टोल विकास संस्था वडा समन्वय समितिको कार्यालय, ज्येष्ठ नागरिक वडा मञ्च र शान्ति पुस्तकालय समेत रहेको छ । संस्थामा ईन्टरनेट र टिभि समेत जडान गरिएको छ । 
भविष्यमा टोल विकास संस्थाले बचत तथा ऋण, सरसफाई, सामाजिक कार्यहरु गरिनुको साथै पिछडिएका बर्गहरुको लागि विशेष कार्यक्रम समेत सञ्चालन गरिने टोल विकास संस्था सचिव भरत सापकोटाले बताए । 
कार्यक्रममा नेपाल पत्रकार महासंघ, बागमती प्रदेशका उपाध्यक्ष रुपेश दुलाल, सञ्चारकर्मी भीमसेन पौडेल, स्थानीय लगायतको सहभागिता रहेको थियो ।
हेटौडा–६ नंं वडामा २३ वटा टोल विकास संस्थाहरु रहेका छन ।