हटियाको स्वास्थ्य शिविरमा ५३० जनालाई सेवा

७ फागुन, हेटौंडा । लायन्स क्लव अफ हेटौंडा मुक्तिनाथको अायोजना एवम् लायन्स क्लव अफ हेटौंडा नारायणी मलको सहअायोजनामा हेटौंडा-२२ हटियास्थित लक्ष्मी निमाविमा शनिबार भएको 'स्वर्गीय नरकुमारी श्रेष्ठ स्मृति' निःशुल्क स्वास्थ्य शिविरमा ५ सय ३० जनाले सेवा पाएका छन् । चुरेहिल हस्पिटलका डा. सुन्दर श्रेष्ठको नेतृत्वमा रहेको स्वास्थ्यकर्मीको टोलीले ५ सय ३० जनाको उपचार भएको हो । 
शिविरमा हाडजोर्नी तथा नशाका २ सय ३५, स्त्रीरोगका १ सय ३, जनरल फिजिसियन १ सय १५, बाल रोगका ५७, नर्मल सर्जरीका ६३, छालाका , सामान्य जाँच ४३, ईसिजि ११ र ३ जनाको प्लाष्टर भएको कार्यक्रम संयोजक राजकुमार बास्तोलाले बताए ।

शिक्षासेवी पुरनबहादुर जोशीको प्रमुख अातिथ्यता एवम् लायन्स क्लव अफ हेटौंडा मुक्तिनाथका अध्यक्ष राजेश भेटवालको अध्यक्षतामा भएको कार्यक्रममा क्लबका बरिष्ठ जिल्ला सल्लाहकार राम श्रेष्ठ, विद्यालयका प्रधानाध्यापक साधुराम थापा, समाजसेवी दामोदर सुवेदी, निर्माण व्यवसायी संघका अध्यक्ष अानन्दराम पराजुली, क्लबका तृतीय उपाध्यक्ष सञ्जय श्रेष्ठ, सचिव रोशन सापकोटा लगायतले मन्तव्य गरेका थिए । क्लवले यसअघि बसामाडिमा शिविर गरेको थियो ।