प्रेस सेन्टरको कार्यदल गठन

९ फागुन, हेटौंडा । फागुन १७ गते हुने नेपाल पत्रकार महासंघ मकवानपुर शाखाको अधिबेसन तयारीको लागी प्रेस सेन्टर नेपाल मकवानपुरले कार्यदल गठन गरेको छ । 

प्रेस सेन्टर नेपालका केन्द्रीय सचिवालय सदस्य एवम् ३ नम्बर प्रदेश अध्यक्ष सुनिल खड्काको संयोजकत्वमा ५ सदस्यीय कार्यदल गठन गरेको हो ।प्रेस सेन्टर नेपाल मकवानपुर र नेकपा माओवादी मकवानपुरका नेतृत्व बिच सोमबार भएको बैंठकले प्रदेश अध्यक्ष खड्काको संयोजकत्वमा भानुभक्त आर्चाय, नानीमैंया बिष्ट, कृष्ण शारु मगर र धु्रव अधिकारी सदस्य रहनेगरी कार्यदल गठन गरेको छ ।

बैंठकले क्रियाशिल पत्रकाहरुको साझा संगठन नेपाल पत्रकार महासंघ मकवानपुरलाई साझा संगठन बनाउन पहल गर्ने निर्णय पनी गरेको छ । पत्रकार महासंघलाई साझा संगठनको रुपमा स्थापित गराउन सबैं संचार संगठन संग सहकार्य गर्दै अघि बढ्ने बैंठकले निर्णय गरेको बताईएको छ । श्रमजिवी पत्रकारहरुको हकहित र संचार माध्यमको संस्थागत विकासको निम्ती निरन्तर लागिपर्ने सक्षम नेतृत्वलाई बिजयी गराउन प्रेस सेन्टर नेपाल मकवानपुरले आग्रह पनि गरेको छ ।

बैंठकमा नेकपा माओवादी केन्द्र मकवानपुरका संयोजक प्रेमबहादुर पुलामी “छिन्तु”, प्रचार बिभाग प्रमुख कमान सिं पाख्रिन “पृथक”, प्रेस सेन्टर प्रदेश अध्यक्ष सुनिल खड्का, सल्लाहकार एवम् बरिष्ठ पत्रकार कौंशल पाण्डे, भानुभक्त आर्चाय, लगायतकाको उपस्थिती रहेको थियो ।