शिखरपानीमा पुनः पाख्रिन

२५ फागुन, हेटौँडा । हेटौँडा–१८ मा रहेको शिखरपानी सामुदायिक वन उपभोक्ता समूहको अध्यक्षमा पुनः चन्द्रबहादुर पाख्रिन चयन भएका छन् । बुधबार भएको २१ औं बार्षिक साधारणसभाले पाख्रिनको अध्यक्षतामा ११ सदस्यीय नयाँ कार्यसमिति चयन गरेको हो । 
समितिको उपाध्यक्षमा ठूलीमाया थिङ, सचिवमा अनिता रुम्बा, कोषाध्यक्षमा अचलीमाया डिम्डुङ र सहसचिवमा मानबहादुर वाईवा चयन भएका छन् । सदस्यहरुमा लालबहादुर पाख्रिन, पावर्ती भोलन, श्रीलाल रुम्बा, मानबहादुर थोकर, विशाल गोङ्वा र लक्ष्मी घलान रहेका छन् । समितिको लेखा संयोजकमा धनबहादुर पाख्रिन, पञ्चबहादुर डिम्डुङ र सुकलाल पाख्रिन रहेका छन् भने सल्लाहकार संयोजकमा भीमबहादुर पाख्रिन र सल्लाहकारमा रामबहादुर गोङ्वा र भरत मोक्तान रहेका छन् । 
सामुदायिक वन उपभोक्ता महासंघ मकवानपुरकी अध्यक्ष पञ्चमाया स्यांतानको प्रमुख आतिथ्यतामा भएको भेलामा समूहकी सचिव बेलीमाया थिङले आव ०७२/०७३ को लेखा परीक्षण प्रतिवेदन र चालु आव ०७३/०७४ को लागि करिव ५ लाख रुपैँयाको आयव्यय विवरण प्रस्तुत गरेकी थिईन् । 
भेलामा हेटौँडा रेञ्जपोष्ट महासंघका अध्यक्ष लक्ष्मणप्रसाद भण्डारी, हेटौँडा इलाका वन कार्यालयका फरेष्टर यदुकुमार घिमिरे, चित्रेपानी सामुदायिक वनका अध्यक्ष सूर्यबहादुर घलान, संचारकर्मी भीमसेन पौडेल, सामुदायिक मेलमिलाप अध्ययन केन्द्रका जिल्ला सचिव जेवि डिम्डुङ लगायतले मन्तव्य व्यक्त गरेका थिए ।