बकैया गाउँपालिकामा ४९ जना कांग्रेसमा प्रवेश

२८ फागुन, हेटौंडा । स्थानीय निकायको चुनावी अभियान अन्तरगत नेपाली काँग्रेसले बकैया गाउँ पालिका अन्तरगत छतिवन गाविसको छुट्टाछुट्टै ३ स्थानमा शनिबार सभा गरेको छ । 

चुनावी अभियान अन्तरगत छतिवन गाविसको १, २ र ३ नम्बर वडाको हात्तिसुँडे, ४, ५ र ६ नम्बर वडाको छतिवनस्थित पार्टी कार्यालय र ७, ८ र ९ नम्बर वडाको कर्मप्राप्ती मावि कर्मचुलीमा काँग्रेसले अगुवा कार्यकर्ता एवं क्रियाशिल भेला सम्पन्न गरेको काँग्रेस १ नम्बर क्षेत्रीय सभापति दामोदर खनालले जानकारी दिए ।

छतिवन गाविसको ३ छुट्टाछुट्टै स्थानमा भएको कार्यक्रममा माओवादी केन्द्र छतिवनका सञ्जिव लामा, एमालेका डम्बरबहादुर थिङ, राप्रपाका धनबहादुर भोम्जनलगायत विभिन्न पार्टी परित्याग गरी ४९ जना युवा नेपाली काँग्रेसमा प्रवेश गरेको १ खनालले जानकारी दिए ।

हात्तिसुँडेमा भएको कार्यक्रममा छतिवन २ का सभापति भवनाथ ढकालको सभाध्यक्षता, पार्टी जिल्ला सभिच आनन्द कठायतको प्रमूख आथित्यता, अथितिहरु जिल्ला सदस्य गोपी अधिकारी, क्षेत्रीय सभापति दामोदर खनाल, महाधिबेशन प्रतिनिधि दिलबहादुर भोम्जन, पूर्व गाविस अध्यक्ष शेरमान गोले, शिक्षक संघका केन्द्रीय प्रतिनिधि तुलसी गिरी, लालबहादुर खड्कालगायतको उपस्थिति रहेको थियो ।

त्यस्तै ४, ५ ६ नम्बरको छतिवन पार्टी कार्यालयमा  ६ नम्बर वडा सभापति देवीप्रसाद अधिकारीको सभाध्यक्षता तथा पार्टी जिल्ला प्रवक्ता प्रदिप कोईरालाको प्रमूख आथित्यतामा कार्यक्रम भएको थियो भने ७, ८ र ९ मा महाधिबेशन प्रतिनिधी धर्मराज लामिछानेको सभापतित्व, पार्टीका जिल्ला कोषाध्यक्ष गोपीलाल विश्वकर्माको प्रमूख आथित्यता, शिक्षक संघका केन्द्रीय सदस्य अर्जुन चौलागाई, दलित संघ जिल्ला अध्यक्ष अनिल विकलगायतको उपस्थितिमा अगुवा कार्यकर्ता तथा क्रियाशिल भेला सम्पन्न भएको थियो ।