एमालेको जिल्ला निर्बाचन परिचालन कमिटि २१ सय ११ सदस्यीय

१७ चैत्र, हेटौंडा । नेकपा एमाले मकवानपुरको सचिबालय बैठकले बिभिन्न निर्णयहरु गरेको छ । एमाले मकवानपुरका अध्यक्ष मुनु सिग्देलको अध्यक्षतामा बसेको बैठकले अध्यक्ष सिग्देलको संयोजकत्वमा २ हजार १ सय ११ सदस्यीय जिल्ला निर्बाचन परिचालन  कमिटि गठन गरेको छ ।

त्यसैगरी जिल्ला सचिब एबम् प्रचार बिभाग प्रमुख एकालाल श्रेष्ठको संयोजकत्वमा निर्बाचन प्रचार प्रसार र निर्बाचन कार्यालय ब्यबस्थापन गरी २ वटा उपकमिटि निर्माण गरेको छ। प्रचार बिभाग र प्रेस चौतारीका सदस्यहरु प्रचार प्रसार कमिटिको सदस्य रहने पार्टीले जनाएको छ । त्यसैगरी मोर्चा बिभाग प्रमुख श्रीधर पोख्रेलको संयोजकत्वमा आर्थिक, उपसचिब मिना लामाको संयोजकत्वमा स्वयम् सेवक तथा सुरक्षा उपकमिटि निर्माण गरीएको छ ।

त्यसैगरी मकवानपुरका गाउँगाउँमा बैठक, भेला, आमसभा, प्रचार प्रसारका कार्यहरुलाई तिब्रता दिइने पार्टीका सचिब एकालाल श्रेष्ठले जानकारी दिए । त्यसैगरी पार्टीको जिल्ला घोषणा पत्र, गाउँपालिका तथा वडा वडामा पार्टि कार्यालय स्थापना गर्ने निर्णय भएको श्रेष्ठले बताए । मकवानपुर एमालेमय बनाउन कार्यकर्ताहरुलाई चुनाबको तयारीमा लाग्न पार्टीले आब्हान गरेको छ ।

बैठकमा एमालेका केन्द्रिय सदस्य केदार न्यौपाने, केन्द्रिय सदस्य एबम् मकवानपुर इन्चार्ज बिरोध खतिवडा, सांसद अनन्त पौडेल, ३ नम्बर प्रदेश सदस्य रामेश्वर रानालगायत सहभागि थिए । २ दिन अगाडि मात्र एमालेले हेटौंडा उपमहानगरपालिकामा १ हजार ५ सय १ सदस्यीय निर्बाचन परिचालन कमिटि गठन गरेको थियो ।