माओवादी केन्द्रको नगर बैठक सम्पन्न

६ बैशाख, हेटौंडा । नेकपा (माओवादी केन्द्र) हेटौडा उपमहानगरपालिकाको विस्तारित बैठक सम्पन्न भएको छ । स्थानीय निर्वाचनलाई केन्द्रित गरेर बसेको बैठकमा पार्टीका वडा अध्यक्ष तथा वडा अध्यक्षको उम्मेदवारहरुको समेत उपस्थिति रहेको थियो ।
चुनाव परिचालन समितिका संयोजक प्रकाश पाण्डेको अध्यक्षतामा भएको बैठकमा नेकपा (माओवादी केन्द्र) का केन्द्रीय सदस्य तथा मेयरका उम्मेदवार बलराम बलको प्रमुख आतिथ्यता रहेको थियो । माओवादीको उपहार नगर गाउँमा सिंहदरबार भन्ने मूल नाराको साथ चुनावी मैदानमा होमिएको नेकपा (माओवादी केन्द्र) हेटौडा नगरले बैठकमा वस्तुगत अवस्थाको बारेमा वडा अध्यक्षहरुबाट रिर्पोट प्रस्तुत गरिएको थियो ।

चुनावलाई लक्षित गर्दै नगरका १९ वटै वडाहरुमा तथा टोलहरुमा चुनावी सभाहरु गर्ने कार्यक्रम तयार गरिएको पार्टीका केन्द्रीय सदस्य तथा संचार विभाग प्रमुख कमान सिं पाख्रिन (पृथक) ले जानकारी दिए ।

बैठकले पार्टीको योजना अनुसार निर्वाचनलाई भयरहित र शान्तिपूर्ण बनाउनको लागि एक बुथ ३०० युथ स्वयमसेवकको रुपमा वाइसियल परिचालन गर्ने निर्णय तय गरिएको छ। साथै निर्वाचनमा पार्टीको चुनावी प्रचारलाई व्यवस्थित गर्न विभिन्न उपसमितिहरु निर्माण गरेको छ ।