हेटौंडामा सालक संरक्षण सम्वन्धी गोष्ठी

१५ बैशाख, हेटौडा । विश्वमा दुर्लभ एवम संरक्षित सूचीमा रहेको सालकको संरक्षण कसरी गर्न सकिन्छ भन्ने विषयमा शुक्रवार हेटौडामा सालक संरक्षण चुनौती एवम दिगो व्यवस्थापनका सवालहरु विषयक अन्तरक्रिया गोष्ठी भएको छ ।

मध्यमान्चल क्षेत्रीय वन निर्देशानलय,हेटौडाको समन्वय र जेडएसएलको सहयोगमा गोष्ठीको आयोजना गरिएको हो ।गोष्ठीमा जेडएसएल काठमाण्डौंका कार्यक्रम अधिकृत टेकराज भट्ट र बर्दिया संरक्षणका कार्यक्रम अधिकृत अम्विकाप्रसाद खतिवडाले सालक संरक्षण सम्वन्धि कार्यपत्र प्रस्तुत गरेका थिए । 

गोष्ठीमा कृषि तथा वन विश्वविधालय वन संकायका सहायक डिन बासुदेव पोखरेल, पर्सा वन्यजन्तु आरक्षका प्रमुख संरक्षण अधिकृत हरीभद्र आचार्य, वन विज्ञान अध्ययन संस्थान हेटौडाका प्रमुख कृष्णप्रसाद दाहाल र मध्यमान्चल क्षेेत्रीय वन कार्यालयका सहायक वन अधिकृत विष्णुप्रसाद पौडेलले कार्यपत्र माथि टिप्पणी गरेका थिए । 

गोष्ठीमा मध्यमान्चल क्षेत्रीय वन निर्देशक गणेश झा, जिल्ला वन अधिकृत राजेन्द्र न्यौपाने, मध्यमान्चल क्षेत्रीय वन निर्देशानलयक सहायक वन अधिकृत नवराज पुडासैनी लगायतले सालकको संरक्षण गर्न सबैको सहयोग हुनु पर्नेमा जोड दिएका थिए ।

गोष्ठीमा वन कर्मचारी र सामुदायिक वनका पदाधिकारीहरुको सहभागिता थियो ।