जनतालाई सार्वभौम बनाउन स्थानीय चुनाव : पोखरेल

१६ बैशाख, हेटौँडा । नेकपा (माओवादी केन्द्र) का केन्द्रीय कार्यलय सदस्य लिलामणि पोखरेलले जनतालाई सार्बभौम सम्पन्न गराउने बाटोमा देश अघि बढिसकेको बताएका छन् । हेटौंडा उपमहानगरपालिका–१२ हात्तीगौंडास्थित नेकपा (माओवादी केन्द्र)को चुनबी सभामा शनिबार सम्वोधन गर्दै उनले यस्तो बताएका हुन् ।

सभामा मन्तव्य राख्दै नेता पोख्रेलले जनताले आफ्नो सरकार आफै बनाउने र चलाउने अभियानलाई पूर्णता दिन स्थानीय तहको निर्वाचन प्रक्रिया अघि बढिसकेको बताए । उनले यो प्रक्रिया कसैले पनि रोक्न नसक्ने दाबी समेत गरे । पार्टी वडा अध्यक्षको उम्मेदवार ललित घलानको सभाध्यक्षतामा कार्यक्रम भएको थियो ।

कार्यक्रममा नेकपा एमालेका पुर्व चार नम्बर क्षेत्रीय सदस्य वासु कँडेल सहित ५३ जना विभिन्न पार्टी परित्याग गरी माओवादी केन्द्रमा प्रवेश गरेका थिए । कार्यक्रममा हेटौंडा उपमहानगरपालिकाको मेयर पदका उमेदवार बलराम बल, उपमेयर पदका उम्मेदवार कमला पौडेल, पार्टीका केन्द्रीय महाधिवेशन आयोजक समिति सदस्य प्रकाश पाण्डे, कमान सिं पाख्रिन(पृथक), पुर्व सभासद् शेरबहादुर पहरी, नेता रामजी नेपाल, सन्दीप घलान वडा सदस्यका उम्मेदवारहरु भुबन खनाल, अन्जु थिङ लगायतको आतिथ्याता रहेको थियो ।

यसैगरी, माओवादी केन्द्रले पदमपोखरीमा घरदैलो अभियान सञ्चालन गरेको छ । सिक्रेनीको बरालचोकबाट सुरु भएको अभियान सोल्टीचोक, घिसिङटोल हुँदै हात्तीगौंडा सम्म पुगेर सभामा परिणत भएको थियो ।