हेटौँडामा मिस नेवाः नारायणी हुने 

१२ साउन, हेटौँडा । नेवारी संस्कृती तथा भाषाको संरक्षण र विकास गर्ने उद्देश्यले हेटैंडामा पहिलोपटक मिस नेवाः नारायणी प्रतियोगिता हुने भएको छ । नेवाः साँस्कृतिक पुच मकवानपुरले नेवारी भाषा एवं संस्कृतिको जगेर्ना गर्ने उद्देश्यले प्रतियोगिताको आयोजना गर्न लागिएको हो ।

पुचले बुधबार पत्रकार सम्मेलनको आयोजना गर्दै एसएलसी उर्तिर्ण गरेका १६ बर्षदेखि २२ बर्ष उमेर समुहका नेवारी युवतीले प्रतियोगितामा सहभागिता जनाउन पाउनेछन् । मिस नेवा नारायणीमा सहभागी हुनको लागि बिहीबारदेखिआकर्षण व्युटि पार्लर, ओम चलचित्र मन्दिर र एमसी ब्याङक्वेटाबाट फर्र्म खुल्ला गरिने पुचका अध्यक्ष विष्णुगोपाल महर्जले बताए । बिशेषगरी चितवन, बिरगन्ज र हेटौंडामा सहभागी छनौटका लागि भदौ ५ गतेदेखि अडिसन सुरु गरिने बताइएको छ । करीब ३५ दिनको प्रशिक्षण सहितको प्रोग्राम रहेको जानकारी दिँदै अध्यक्ष महर्जनले प्रतियोगितामा सहभागीलाई नेवारी भाषाको शिक्षा, नेवारी बाध्यबाजन समेत सिकाईने बताए ।।

सहभागीताको लागि नगद एकहजार दर्ता र  नौहजार पाँचसय शुल्क बुझाउनुपर्नेछ । मिस नेवाः नारायणी प्रतियोगिताको बिजेताले मिस नेवा नारायणीको उपाधीसंगै तीसहजार नगद प्राप्त गर्नेछ । यसैगरी प्रतियोगिताको फस्ट रनरअपले नगद बीसहजार र सेकेन्ड रनरअपले नगद दशहजार सहित शिल्ड प्राप्त गर्नेछन् । प्रतियोगितामा प्रमुख अतिथिको रुपमा मह जेडी आउने टुङ्गो लागेपनि फाईनलको मिति तय नभएको आयोजकले बताएको छ ।