दुर्घटना अपडेट : मृत्यु भएका ७ को सनाखत

१६ साउन, हेटौँडा । मकवानपुरको मनहरी–३ रमनटारमा आइतबार विहान करिव १ बजेतिर भएको सवारी दुर्घटनामा मृत्यु भएका ७ जनाको सनाखत भएको छ । दुर्घटनामा मृत्यु भएका दुई पुरुषको सनाखत हुन नसकेको जिल्ला प्रहरी कार्यालय मकवानपुरले जनाएको छ ।

प्रहरीका अनुसार दुर्घटनामा मृत्यु हुनेमा उदयपुर त्रियुगा–१० का २५ बर्षिय विनोद चौधरी, १० मणिरत्न चौधरी, झापा तोपगाक्षीका लक्ष्मीप्रसाद अधिकारी, ठेगाना नखुलेका २७ बर्षिय सन्तोष चौधरी, बारा सिंगोलका २१ बर्षिय विशाल धामी, उदयपुर गाईघाट–८ का ३ बर्षिय मुस्कान चौधरी, भुट्टार–९ का ३० बर्षिया भेनिसा तामाङको मृत्यु भएको छ । दुर्घटनामा घाइते १४ जनाको हेटौँडाको चुरेहिल अस्पतालमा उपचार भईरहेको छ भने एकजनाको सामुदायिक आँचा अस्पताल हेटौँडामा उपचार भईरहेको छ । उपचारपछि १६ जना अस्पतालबाट डिस्चार्ज भएको जिल्ला प्रहरी कार्यालय मकवानपुरका प्रहरी नायव उपरीक्षक बामदेव गौतमले बताए ।

काँकडभिट्टाबाट काठमाडौं जाँदै गरेको ना५च ४०६४ नम्बर इमेज यातायातको बस र काठमाडौंबाट गाईघाट जाँदै गरेको ना५ख ५०५५ नम्बर अग्नी यातायातको बस एक आपसमा ठक्कर खाँदा ९ जनाको मृत्यु भएको थियो । दुर्घटनामा ६ जनाको घटनास्थलमै र बाँकीको उपचारको क्रममा मृत्यु भएको जिल्ला प्रहरी कार्यालय मकवानपुरले जनाएको छ ।