हेटौँडामा योग दिवस मनाईयो

७ असार, हेटौँडा । तेस्रो बिश्व योग दिवसका अवसरमा बुधबार हेटौंडामा सम्मान तथा प्रवचन कार्यक्रमको आयोजना गरिएको छ । पतञ्जली योग जिल्ला समिति मकवानपुरको आयोजनामा कार्यक्रम भएको हो । 
कार्यक्रममा मकवानपुरका नव निर्वाचित जनप्रतिनिधिहरुलाई तुलसीको माला लगाएर सम्मान गरिनुका साथै योग सम्बन्धी प्रवचन कार्यक्रम गरिएको थियो । सांसद अनन्त पौडेलको प्रमुख आतिथ्यता तथा पतञ्जली योग जिल्ला समितिका अध्यक्ष रामकृष्ण थापाको अध्यक्षता भएको कार्यक्रममा मकवानपुरका प्रमुख जिल्ला अधिकारी नारायणप्रसाद शर्मा दुवाडीको विशेष आतिथ्य रहेको थियो ।
कार्यक्रममा हेटौंडा उपमहानगरपालिकाकी कउपप्रमुख मीना लामा, पतञ्जली योग जिल्ला समिति मकवानपुरका उपाध्यक्ष सम्राट तुम्बहाम्फे, बम्हकुमारी राजयोग सेवा केन्द्र हेटौंडाका विजय सिग्देल, विष्णु श्रेष्ठ लगाएतले मन्तव्य व्यक्त गरेका थिए ।
कार्यक्रममा नेपाली काँग्रेस मकवानपुरका प्रवक्ता प्रदीप कोईराला, नेकपा एमाले मकवानपुरकी अध्यक्ष मुनु सिग्देल, नेकपा माओवादी केन्द्र मकवानपुर संयोजक प्रेमबहादुर पुलामी छिन्तु, मकवानपुरका स्थानीय विकास अधिकारी नारायण मैनाली लगायतको सहभागिता रहेको थियो ।
तस्विर : अशोकसुजन श्रेष्ठ