विश्वका २ करोड २८ हजार भन्दा धेरैले कोरोना जिते

५ असोज, हेटौंडा । विश्वमा महामारीको रुपमा फैलिएको कारोना भाइरसको संक्रमणबाट विश्वका २ करोड भन्दा बढी मानिसहरु निको भएका छन् ।
कोरोनाको तत्थ्यांक प्रस्तुत गरिरहेको वल्र्डोमिटरका अनुसार अहिलेसम्म विश्वभरमा २ करोड २८ लाख १७ हजार भन्दा धेरै मानिसले कोरोना भाइरसको संक्रमणलाई जितेका छन् ।
विश्वभरमा ३ करोड १२ लाख भन्दा धेरै मानिस कोरोनाबाट संक्रमित भएकामा अहिलेपनि ७४ लाख ४१ हजार भन्दा बढी मानिस कोरोनासँग जुधिरहेका छन् । यसमध्ये ६१ हजार भन्दा बढी संक्रमितको अवस्था चिन्ताजनक रहेको वल्र्डोमिटरले जनाएको छ ।
कोरोनाबाट विश्वको सबैभन्दा बढी प्रभावित अमेरिकामा ७० लाख भन्दा बढी मानिस संक्रमित हुँदा यहाँ ४२ लाख मानिसहरु निको भएका छन् । 
यहाँ अहिलेसम्म २० लाख मानिसले ज्यान गुमाएको अमेरिकामा २५ लाख मानिसमा कोरोना संक्रमित छन भने १४ हजार भन्दा बढीको अवस्थ गम्भिर रहेको छ ।
यसैगरी दोश्रो प्रभावित भारतमा ५४ लाख ८५ हजार भन्दा बढी मानिस संक्रमित हुँदा ४३ लाख ९२ हजार भन्दा बढी मानिस निको भएर घर फर्किएका छन् ।
यसैगरी भारतमा अहिलेपनि १० लाख मानिसमा संक्रिय संक्रमण छ भने ८ हजार भन्दा बढी मानिसको अवस्था चिन्ताजनक रहेको छ ।
यस्तै तेश्रो प्रभावित ब्राजिलमा अहिलेसम्म ४५ लाख ४४ हजार भन्दा बढी मानिस कोरोनाबाट संक्रमित भएका छन् । यहाँ ३८ लाख ५१ हजार मानिसले कोरोना जितेका छन् ।
ब्राजिलमा ५ लाख ५६ हजार सक्रिय संक्रमित रहेका छन् भने ८ हजार भन्दा बढी मानिसको अवस्था चिन्ताजनक रहेको छ ।