विश्वभर कोरोना संक्रमितको संख्या ३ करोड ५६ लाख नाघ्यो

२० असोज, हेटौंडा । विश्वभर महामारीको रुपमा फैलिएको कोरोना भाइरस अर्थात कोभिड–१९ को संक्रमितको संख्या ३ करोड ५६ लाख नाघेको छ । 
अहिलेसम्म विश्वका ३ कारोड ५६ लाख ९५ हजार ४ सय ११ जना मानिसमा कोरोनाको संक्रमण पुष्टि भएको वर्ल्डोमिटरले जनाएको छ ।
वितेको २४ घण्टामा विश्वभर २ लाख ६४ हजार २ सय १३ जना नयाँ संक्रमित थपिएका छन् । कुल संक्रमितको संख्या मध्ये २ करोड ६८ लाख ६४ हजार भन्दा धेरै मानिसहरु निको भएर घर फर्किएका छन् ।
यसैगरी ७७ लाख ८४ हजार भन्दा धैरैजनामा संक्रमण सक्रिय रहाँदा ६६ हजार भन्दा धेरै मानिसहरु गम्भिर अवस्थामा उपचार गराई रहेका छन् । 
अहिलेसम्म सबैभन्दा धेरै अमेरिकामा ७६ लाख ७९ हजार भन्दा धेरैमा कोरोना भाइरसको संक्रमण पुष्टि भएको छ । यहाँ एकैदिन ४१ हजार ५ सय ८१ जना नयाँ संक्रमित थपिएका छन् ।
यस्तै दोस्रो धेरै प्रभावित देश भारतमा ६६ लाख ८२ हजार भन्दा धेरैमा संक्रमण पुष्टि हुँदा पछिल्लो २४ घण्टामा ५९ हजार ८ सय ९३ जना नयाँ संक्रमित थपिएका छन् ।
यसैगरी तेस्रो धेरै प्रभावित रहेको ब्राजिलमा ४९ लाख ४० हजारभन्दा धेरैमा संक्रमण पुष्टि हुँदा पछिल्लो २४ घण्टामा मात्रै यहाँ २५ हजार २ सय १० जना नयाँ संक्रमित थपिएका छन् ।