विश्वमा एकैदिन ३ लाख ५५ हजार कारोना संक्रमित थपिए

२५ असोज, हेटौंडा । पछिल्लो २४ घण्टामा विश्वभर अहिलेसम्मकै धेरै ३ लाख ५५ हजार भन्दा बढी मानिस कारोना अर्थात कोभिड १९ को संक्रमणबाट संक्रमित भएका छन् ।
कोरोनाको तत्थ्यांक प्रस्तुत गरिरहेको वर्ल्डोमिटरका अनुसार पछिल्लो २४ घण्टामा ३ लाख ५५ हजार ८ सय ७८ जना मानिस संक्रमित भएका हुन् । 
यो सँगै विश्वभर कोरोना भाइरसबाट संक्रमित हुनेको कुल संख्या ३ करोड ७४ लाख ५४ हजार १ सय ९९ पुगेको छ ।
विश्वभर भएका कुल संक्रमित मध्ये २ करोड ८१ लाख ८ हजार भन्दा धेरै मानिसहरु निको भएर घर फर्किएका छन् ।
अहिलेपनि विश्वभर ८२ लाख ६८ हजार भन्दा धैरैजनामा संक्रमण रहेको छ भने ६८ हजार भन्दा धेरै मानिसको अवस्था गम्भिर रहेको छ ।
अहिलेसम्म सबैभन्दा धेरै संक्रमित रहेको अमेरिकामा पछिल्लो २४ घण्टामा ५० हजार ८ सय ७६ जना संक्रमित थपिएका छन् । यहाँ योसँगै यहाँ कुल संक्रमितको संख्या ७९ लाख ४५ हजार ५ सय ५ पुगेको छ । 
यस्तै दोस्रो धेरै प्रभावित देश भारतमा १ लाख ८ हजार ३ सय ७१ जना नयाँ संक्रमित थपिदा कुल संक्रमितको संख्या ७० लाख ५१ हजार ५ सय ४३ पुगेको छ । 
यसैगरी विश्वको तेस्रो धेरै प्रभावित देश ब्राजिलमा ५ लाख ९१ हजार ८ सय ४० जनामा कोरोना संक्रमण पुष्टि हुँदा पछिल्लो २४ घण्टामा ३४ हजार ६ सय ५० जना नयाँ संक्रमित थपिएका छन् ।