एकैदिन विश्वमा ४ लाख ८९ हजार बढी संक्रमित थपिए

८ कात्तिक, हेटौंडा । पछिल्लो २४ घण्टामा विश्वभर अहिलेसम्मकै धेरै ४ लाख ८९ हजार भन्दा बढी मानिस कारोना अर्थात कोभिड १९ को संक्रमणबाट संक्रमित भएका छन् ।
कोरोनाको तत्थ्यांक प्रस्तुत गरिरहेको वर्ल्डोमिटरका अनुसार पछिल्लो २४ घण्टामा ४ लाख ८९ हजार ७ सय ५७ जना मानिस संक्रमित भएका हुन् । 
यो सँगै विश्वभर कोरोना भाइरसबाट संक्रमित हुनेको कुल संख्या ४ करोड २४ लाख ६३ हजार ५२ पुगेको छ ।
विश्वभर भएका कुल संक्रमित मध्ये ३ करोड १४ लाख १७ हजार भन्दा धेरै मानिसहरु निको भएर घर फर्किएका छन् भने ११ लाख ४८ हजार भन्दा बढीको ज्यान गएको छ ।
अहिलेपनि विश्वभर ९८ लाख ९६ हजार भन्दा धैरैजनामा संक्रमण रहेको छ भने ७६ हजार भन्दा धेरै मानिसको अवस्था गम्भिर रहेको छ ।
अहिलेसम्म सबैभन्दा धेरै संक्रमित रहेको अमेरिकामा पछिल्लो २४ घण्टामा ८१ हजार २ सय १० जना संक्रमित थपिएका छन् । यहाँ योसँगै यहाँ कुल संक्रमितको संख्या ८७ लाख ४६ हजार ९ सय ५३ पुगेको छ । 
यस्तै दोस्रो धेरै प्रभावित देश भारतमा ५४ हजार २८ जना नयाँ संक्रमित थपिदा कुल संक्रमितको संख्या ७८ लाख १३ हजार ६ सय ६८ पुगेको छ । 
यसैगरी विश्वको तेस्रो धेरै प्रभावित देश ब्राजिलमा ५३ लाख ५५ हजार ६ सय ५० जनामा कोरोना संक्रमण पुष्टि हुँदा पछिल्लो २४ घण्टामा २३ हजार १६ जना नयाँ संक्रमित थपिएका छन् ।