कामधेनु सहकारीको कारोबार १ करोड

४ साउन, हेटौडा । हेटौडा–६ चुच्चेखोलामा रहेको कामधेनु बहुउदेश्यीय सहकारी संस्था लिमिटेडले गत आव ०७३/०७४ मा करिब १ करोड बराबरको कारोवार गर्न सफल भएको छ ।

संस्थाले शेयर विक्रीबाट ७३ हजार ६ सय बचत संकलनबाट २६ लाख २१ हजार ९८२ ऋण असुलीबाट ५८ लाख ४४ हजार ८८४ र लगानीबाट व्याज असुली १२ लाख ८ हजार ८६४ आम्दानी गरेको छ । यसैगरी कर्जा व्यवस्थापनबाट ७३ हजार ६५० प्रवेश, विलम्वबाट ७४ हजार र शेयर संस्कार कोषबाट २२ हजार आम्दानी गरिएको संस्थाका अध्यक्ष गौरवकुमार पराजुलीले बताए । 

यसैगरी संस्थाले ऋण लगानीमा ७३ लाख ८७ हजार बचत फिर्तामा १९ लाख ४४ हजार कर्मचारी तलबमा १ लाख १० हजार साधारण सभामा ५५ हजार खर्च गरेको छ । यसैगरी शेयर मृतक संस्कारमा १४ हजार लेखा परीक्षणमा १३ हजार घरभाडामा १२ हजार मसलन्दमा ८ हजार र प्रचारप्रसारमा ३ हजार खर्च गरेको छ । 

हेटौडा ६ र १७ नम्वर वडालाई कार्यक्षेत्र बनाई काम गरिरहेको यो संस्थामा हाल करीव ५ सय शेयर सदस्यहरु रहेका छन । ऋणी शेयर सदस्यहरुको सरल वीमा गराई ऋणलाई सुरक्षित गर्ने काम समेत गरेको संस्थाका उपाध्यक्ष एवम ऋण उपसमितिका संयोजक उदयप्रकाश दहालले बताए । निकट भविष्यमा संस्थाको आफनै भवन बनाई कार्यालय संचालन गर्ने लक्ष्य रहेको संस्थाले जनाएको छ ।

कामधेनु सहकारी संस्थाले सहकारीताको भावना अनुसार काम गरिरहेको डिभिजन सहकारी कार्यालय मकवानपुरकासहकारी निरीक्षक अश्विनकुमार अर्यालले बताए ।