पोषण सम्बन्धी अभिमुखीकरण 

तस्विरः सुनिल शिवाकोटी /प्रस्ट खबर

२७ भदौ, हेटौँडा । मकवानपुरमा विपद (भूकम्प) पश्चात गरिने पोषण सम्बन्धी पुनर्लाभ कार्यक्रम  सफल भएको जानकारी गराईएको छ ।

जिल्ला जनस्वास्थ्य कार्यालय मकवानपुर र एक्सन एगेन्ट हङ्गरको संयुक्त  आयोजनामा तथा यूनिसेफ र पोषण तथा खाद्य सुरक्षा र कार्यक्रमको सहयोगमा हेटौँडामा भएको मकवानपुरका संचारकर्मीहरुको  संगको  १ दिने अभिमुखीकरण कार्यक्रममा पोषण सम्बन्धी पुनर्लाभ कार्यक्रम सफल भएको जानकारी गराईएको हो ।

अभिमुखीकरण कार्यक्रममा जनाकारी गराईए अनुसार मकवानपुरमा २०७३/०७४मा  ७ सय ६८ बालबालिकामा शिघ्र कुपोषण, ९हजार १सय २० जना बालबालिकामा कम तौल र २ हजार ४ सय ९६ जनामा मध्यम कुपोषण भएका पाईएको छ भने ३ हजार ३ सय १२ जना गर्भवती र सुत्केरी महिलाहरु कुपोषणको शिकार भएका र   ५ सय ४१ जना बालबालिकाहरु पनर्लाभ कार्यक्रममा उपचारका लागि आएको जनाईएको छ । पुनर्लाभ कार्यक्रममा सेवा पाएका मध्ये काँकडाका २ जना महिलाको  कार्यालय संग सम्पर्क नहुदा  मृत्यू भएको अभिमुखीकरण कार्यक्रममा मार्फत आयोजकले जनाएको छ ।

त्यसैगरी कार्यक्रममा बोल्दै जिल्ला जनस्वास्थ्य कार्यालय मकवापनुरका प्रमुख रामचन्द्र पाठकले शिघ्र कुपोषणका तथा बालबालिका तथा गर्भवती र सुत्केरी महिलाहरुको अवस्थामा  ग्रामीण तथा गाउपालीकाहरुमा केही  सुधार आएको तर प्रयाप्त नभएको बताउदै पत्रकारीताको माध्यमबाट कदम चाल्न संचारकर्मीले अनुरोध गरे । पाठकले मकवानपुर जिल्ला शिघ्र कुपोषण भएका बालबालिका तथा गर्भवती र सुत्केरी महिलाहरुको अवस्थामा सुधार ल्याउन स्थानीय तहबाटै कदम चल्नु  पर्नेमा जोड दिए ।  

त्यसैगरी एक्सन एगेन्ट हङ्गर (एसीएफ) की कार्यक्रम संयोजक नम्रता पौडेलले मकवानपुरमा  विपद (भूकम्प) पश्चात गरिने पोषण सम्बन्धी पुनर्लाभ कार्यक्रमको रेसियोमा भने सफलता हात परेको बताईन । अभिमुखीकरण कार्यक्रममा जिल्ला जनस्वास्थ्य कार्यालय मकवानपुरका भिमसागर गुरागाई, नेपाल पत्रकार महासंघ पूर्व केन्द्रीय सदस्य प्रताप विष्ट, महासंघका मकवानपुर अध्यक्ष हरि हुमागाई, लगायत मकवानपुरका विभिन्न संचार माध्यमा आवद्ध संचारकर्मीरुको सहभागिता रहेको थियो ।