प्रथम मनहरी कपको उपाधी एफसी मनहरीलाई

फोटोः गुगल

३१ भदौ,हेटौँडा । विवादका बिच सम्पन्न प्रथम मनहरी कप फुटबलको उपाधी एफसी मनहरीले जितेको छ । शनिबार  सम्पन्न  लामिटारको सनसाइन क्लब र एफसी मनहरी बिचको फाइनल खेलमा  रेफ्रीको गलत निर्णयको कारण एफसी मनहरी बिजयी भएको सनसाइन क्लबका प्रशिक्षक अनिले राईले बताए ।  

राईले जनाए अनुसार  दोस्रो हाफको करिब २० मिनेट चलिरहदा रेफ्रीले सनसाइनका गोलरक्षक इश्वर रिजाललाइ रेफ्रीले पहेलो कार्ड देखए पछी खेल बिवादमा परिणत भएको बताए । मनहरीका खेलाडीले  फाउल गरेकोमा आफ्ना खेलाडीलाई कार्ड दिएर रेफ्रीले बिभेदपूर्ण निर्णय गरेको र यस्तो बिवाद पुर्ण खेल नखेलाउन अनुरोध गर्दा समेत आयोजकले नमाने पछी  सनसाइनका खेलाडीले मैदान छाडेको प्रशिक्षक  राईले बताए  । “पटक पटक हाम्रो टिमको विरुद्धमा निर्णय भएपछी बाध्य भएर खेल छोडेका हौं“ उनले भने, “आयोजकको कच्चापना देखियो । उजुरी परको टिम सङ्ग फेरि खेल खेलायो । हाम्रो खेलाडीले सामान्य खेल खेल्दा समेत पटक पटक कार्ड दिइयो, प्रतिद्वन्दी खेलाडीले हाम्रा खेलाडीलाई घाइते हुने गरि खेल्दा समेत कुनै वास्ता गरिएन ,आयोजकले खेललाई राजनितीकरण गरेको र  रेफ्रीले एकतर्फी खेल खेलाएपछी बहिष्कार गरेर हिडेको राईले प्रतिकृया दिए ।  

त्यसपश्चात आयोजकले एफसी मनहरी बिजयी भएको घोषणा गर्दै पुरस्कार बितरण थालेको थियो । पटक पटक आयोजकले दोस्रो भएको भन्दै सनसाइनलाई पुरस्कार लिन बोलाए पनि सनसाइनका खेलाडीले पुरस्कार नलिएर मैदानबाट बाहिरिएको थिए भने आयोजकले वडा सदस्य बिष्णु थिङ्गलाई पुरस्कार रकम, शिल्ड, प्रमाणपत्र र मेडल थमाएर पठाएको थिए यता टिम कप्तान सुमन राईले यस कार्यको विरोध गर्दै पुरस्कार नलिने बताएका छन  । बिजयी खेलाडीलाई मनहरी गाउपालिकाका अध्यक्ष एकराज उप्रेतिले पुरस्कार बितरण गरेका छन ।  मनहरी गाउपालिकाको २ लाख आर्थिक सहयोगमा संचालीत प्रतियोगितामा मनहरी गाउपालिकाको १९ टिमको सहभागिता रहेको थियो ।