सुन्दर वनको साधारणसभा

७ असोज, हेटौँडा । हेटौडामा रहेको सुन्दर सामुदायिक वन उपभोक्ता समूहको २२औं वार्षिक साधारण सभा शनिवार सम्पन्न भएको छ । साधारण सभामा समूहकी सचिव निलम देवकोटाले प्रगति प्रतिवेदन र कोषाध्यक्ष आनन्द ढकालले आर्थिक प्रतिवेदन प्रस्तुत गर्दै समूहले चालु आव ०७४/०७५ मा करीव २३ लाखको कारोवार गर्ने अनुमानित आयव्यय प्रस्तुत गरेका थिए ।
साधारण सभामा ज्येष्ठ सदस्य सूर्यनाथ सञ्जेल, अष्टमाया श्रेष्ठ, वनडढेलो निभाउन सहयोग गर्ने मनिसा न्यौपाने, रोहितकुमार मण्डल, राजन आलेमगर, उत्कृष्ठ विद्यार्थीमा विपिन मगर र विद्या विद्या पुडासैनीलाई सम्मानित गरिएको थियो ।
हेटौडा उपमहानगरपालिका वडा नम्वर १ का वडा अध्यक्ष सविन न्यौपानेको प्रमुख आतिथ्यता एवम समूहका अध्यक्ष कमल लामाको अध्यक्षतामा साधारण सभा भएको हो । साधारण सभामा हेटौडा–९ का वडा अध्यक्ष लक्ष्मणप्रसाद भण्डारी, प्रहरी चौकी चौकीटोलका प्रहरी सहायक निरीक्षक विष्णुप्रसाद दाहाल,हेटौडा ईलाका वन कार्यालयका फरेष्टर यदुकुमार घिमिरे, सुन्दर सहकारीका अध्यक्ष सुन्दर नकर्मी, रानी सामुदायिक वनका कार्यालय सचिव भीमसेन पौडेल, मनकामना सामुदायिक वनका अध्यक्ष धनबहादुर राना, समूहका पूर्व अध्यक्ष बुद्धिप्रसाद पौडेल, केदारप्रसाद बत्तौला, लेखा समितिका संयोजक केदारलाल श्रेष्ठ लगायतकाले मन्तव्य व्यक्त गरेका थिए ।