रियो ओलम्पिकमा अमेरिका पहिलो

६ भदौ । ब्राजिलमा भएको रियो ओलम्पिकमा ४६ स्वर्णसहित अमेरिका पहिलो भएको छ । सोमबार सकिएको ओलम्पिकमा ४६ स्वर्ण, ३७ रजत र ३८ कास्यसहित १ सय २१ पदक आप्mनो पोल्टामा पार्दै अमेरिका पहिलो भएको हो । 

२७ स्वर्ण, २३ रजत र १७ कास्य सहित बेलायत दोश्रो स्थान र चीन २६ स्वर्ण १८ रजत र २६ कास्यसहित पदक तालिकाको तेश्रो स्थानमा रहेको छ । रसिया १९ स्वर्ण १८ रजत र १९ कास्य सहित चौथो स्थानमा पुग्दा १७ स्वर्ण १० रजत र १५ कास्य सहित जर्मनी पाचौ स्थानमा रह्यो ।  रियो ओलम्पिकमा पदक तालिकामा नाम लेखाएका ८६ राष्ट्र र एक आप्रबासी टोली मध्ये ५९ राष्ट्रको नाममा स्वर्ण पदक रह्यो ।

रियो ओलम्पिकमा भारतले १ रजत र १ कास्य बाहेक दक्षिण एसियाली देशले कुनै पनि पदक हात पार्न सकेनन् । अमेरिकाले स्विमीङमा मात्र १६ र एथलेटिक्समा १३ स्वर्ण हात पार्यो । पुरुष फुटबलको उपाधि  आयोजक ब्राजिलले कव्जा गर्यो भने महिला फुटबलको स्वर्ण भने जर्मनीले हात पार्यो ।

नेपाल उपस्थित मात्रै

रियो ओलम्पिकमा नेपालले आफ्नो उपस्थिति मात्रै देखायो ।  ७ स्पर्धामा सहभागीता जनाए पनि उपाधी नेपालका लागि टाढाको विषय बन्यो । पौडिबाज शिरिष गुरुङले राष्ट्रिय किर्तिमान बनाए । सोमबार सकिएको ३१ औ संस्करणमा २ सय ७ राष्ट्र र एक आप्रबासी टोलीका ११ हजार ५ सय ४४ खेलाडीले २८ खेलका ३ सय ६ स्पर्धामा प्रतिस्पर्धा गरेका थिए ।