चेतनशिलको १९ औं साधारण सभा

२५ कार्तिक, हेटौँडा । हेटौँडा–१७ मा रहेको चेतनशिल दुग्ध उत्पादक सहकारी संस्थाको १९ औं बार्षिक साधारणसभा शनिबार सम्पन्न भएको छ । सभामा संस्थाका अध्यक्ष कृष्णप्रसाद घिमिरेले संस्थागत प्रतिवेदन, लेखा सुपरीवेक्षण समितिका संयोजक गोपाल बस्ताकोटीले लेखा परीक्षण प्रतिवेदन र सचिव विष्णुमान श्रेष्ठले बचत समितिको प्रतिवेदन प्रस्तुत गरेका थिए । 
भेलामा पूर्व व्यवस्थापक गोविन्दप्रसाद दाहाल, उत्कृष्ट बचतकर्ता भीमकुमारी अधिकारी, उत्कृष्ट ऋणी कृष्णबहादुर श्रेष्ठ, सबैभन्दा बढि पशु औषधी खरिदकर्ता अच्युत लुईटेल, बढि सामान खरिदकर्ता हेमकुमारी पुलामी, ज्येष्ठ सदस्य ज्ञानुमाया क्याप्छाकी मगर, धनबहादुर खड्का, एककुमारी घोरासैनी, भवानीशंकर गौतम, बुद्धिनाथ ढकाललाई सम्मान गरिएको थियो । 
यसैगरी, एसईई परीक्षाको प्राविधिक शिक्षातर्फ र सामुदायिक विद्यालयतर्फ उत्कृष्ठ अंक हासिल गर्ने विद्यार्थी, बढि दूध विक्रि गर्ने, धेरै दूध विक्रि गर्ने, गुणस्तरीय दूध विक्रि गर्ने र गोठ सफाई गर्ने कृषकहरुलाई समेत सम्मान गरिएको थियो ।
डिभिजन सहकारी कार्यालयका प्रमुख तिलकराम पोखरेलको प्रमुख आतिथ्यतामा भएको कार्यक्रममा हेटौँडा–१६ का वडा अध्यक्ष रामकृष्ण कोइराला, हेटौँडा १७ का वडा अध्यक्ष भैरवकुमार राई, जिल्ला दुग्ध उत्पादक सहकारी संघका सदस्य कृष्णप्रसाद सापकोटा, संस्थाका सल्लाहकार राधेश्याम गजुरेल, रामकृष्ण तिवारी, लोकनाथ चौलागाई लगायतले मन्तव्य व्यक्त गरेका थिए । 
संस्थाले आव ०७३/०७४ मा १६ करोड ११ लाख ६८ हजारको कारोबार गरेको व्यवस्थापक दिपक ढकालले बताए ।