ब्याडमिन्टनको उपाधि सिद्धार्थलाई

२५ कार्तिक, हेटौँडा । स्वर्गीय साथी बोस स्मृति स्कूलस्तरीय ब्याडमिन्टन प्रतियोगिताको उपाधि सिद्धार्थ शिशु सदनका निखील अर्यालले जितेका छन् । 
नवोदय शिशु सदनका रोहन चौधरीलाई २१–८, र २१–१२ को सोझो सेटमा पराजित गर्दै अर्यालले उपाधिमाथि कब्जा जमाए । उनले नगद ३ हजार, ब्याड ¥याकेट र एकथान अंग्रेजी शब्दकोष जितेका छन् । नवोदयका चौधरीले दोस्रो स्थान हात पार्दै नगद २ हजार र ब्याड ¥याकेट जित्न सफल भए । प्रतियोगितामा नवोदयकै सुदीप ठाकुर तेस्रो हुँदै नगद एक हजार र ब्याड ¥याकेट जित्न सफल भए । ठाकुरले बिशाल राउतलाई २१–११ र २१–१६ को सोझो सेटमा पराजित गरेका हुन् ।  
यस्तै छात्रा तर्फको उपाधि सिद्धार्थ शिशु सदनकी दिक्षा मण्डलले हात पारिन । सिदार्थकै स्वेता शाहालाई मण्डलले २१–९ र २१–३ को सोझो सेटमा पराजित गरेकी हुन् । शाहाले दोस्रो स्थान हात पार्न सफल भईन् । पहिलो हुने मण्डलले नगद एक हजार र दोस्रो हुने शाहाले नगद ५ सय सहीत शील्ड जितेकी हुन् । मकवानपुरमै पहिलोपटक जिल्ला ब्याडमिन्टन संघको आयोजनामा भएको प्रतियोगिताका विजेता खेलाडिलाई प्रमुख अतिथी तीन नम्बर प्रदेश कार्यालयका प्रहरी अतिरिक्त महानिरीक्षक केशरीराज घिमीरे, प्रहरी उपरिक्षकहरु विकासराज खनाल, तुलसी अधिकारी, शिक्षासेबी पुरण बहादुर जोशी, जिल्ला खेलकुद बिकास समिती मकवानपुरका अध्यक्ष माधब तिमल्सिना, जिल्ला ब्याडमेन्टन संघका बिके बोशले शिल्ड मेडल र प्रमाणपत्र पुरस्कार प्रदान गरेका थिए ।
नगद पुरस्कार ब्याडमिन्टन ¥याकेट र मेडल बिद्यार्थीलाई प्रदान गरिएको थियो, भने शिल्ड बिद्यालयलाई प्रदान गरिएको थियो । प्रतियोगिताको व्यवस्थापन र प्रचारप्रसारमा सहयोग पु¥याएको भन्दै सञ्चारकर्मी बालकृष्ण अधिकारीलाई सम्मान गरिएको थियो ।