नाटकीय ढंगले पछि हटे राजकुमार न्यौपाने

२ पुस, हेटौँडा । प्रतिनिधी सभा र प्रदेशसभाको निर्वाचन सकिन नपाउदै मकवानपुरमा फेरी चुनावी सरगमी बढेको छ । पुस १५ गतेबाट  सुरु हुने मकवानपुर उद्योग वाणिज्य संघको निर्वाचनले चुनावी सरगमी बढाएको हो । 
हरेक दिन मकवानपुर उद्योग वाणिज्य संघको चुनावी चर्चाले गर्दा अहिले दिनहु जस्तो  हुने प्रेस मिटले व्यवसायीलाई पक्ष विपक्षमा उभ्याउन थालेको छ । आइतबार हेटौँडामा पत्रकार सम्मेलनको आयोजना गरि अध्यक्षको उम्मेदवारी दावि गरेका वर्तमान अध्यक्ष राजकुमार न्यौपाने र उपाध्यक्ष कृष्ण अग्रवालले नाटकीय रुपमा उम्मेदवार फिर्ता लिदै वर्तमान महासचिव समेत रहेका महेन्द्र राउतलाई समर्थन गर्ने बताएका छन् । 
पत्रकार सम्मेलनमा  अध्यक्ष न्यौपानेले महेन्द्र राउतलाई समर्थन गर्दै आफुहरु जस्तै खुबी  भएकाले र जिम्मेवारी बहन गर्न सक्ने क्षमता राउतमा भएकाले उनलाई पद हस्तान्तरणको प्रकृयामा लागेको बताए । पत्रकार सम्मेलनमा बोल्दै संघका वाणिज्य तर्फका वर्तमान उपाध्यक्ष कृष्ण अग्रवालले आफुले अध्यक्षको उम्मेदवारी  फिर्ता लिदै महेन्द्र राउतलाई  समर्थन गरेको भन्दै बाणिज्यतर्फको उपाध्यक्षमा उम्मेदवारी  दिने बताए  । 
३ बर्षे नयाँ कार्यकालमा लागी अध्यक्षका प्रत्यासी महेन्द्र राउतले सम्मेलनमा    न्यौपाने र अग्रवाललाई धन्यवाद ज्ञापन गर्दै न्यौपानेले गरेको कार्यलाई निरन्तरर्ता दिने भन्दै आफुले सधै व्यवसायीको हितका लागी लड्ने बताए । राउतले अध्यक्ष, उपाध्यक्षसहितका पदाधिकारी र सदस्यहरुले समर्थन गरेकोले आफुले चुनाव जित्ने ठोकुवा गरे ।