श्रीवैष्णव युवा परिषद् मकवानपुरको अध्यक्षमा पुनः न्यौपाने

२१ असोज, हेटौंडा । श्रीवैष्णव युवा परिषद् मकवानपुरको अध्यक्षमा पुनः दुर्गाप्रसाद न्यौपाने चयन भएका छन् । परिषदको सातौं वार्षिक साधारणसभा एवं अधिवेशनबाट न्यौपानेको अध्यक्षतामा नयाँ कार्यसमिति चयन भएको हो ।
परिषदको उपाध्यक्षमा हयग्रीव न्यौपाने (कृष्ण), सचिवमा यदुनाथ सुवेदी- सचिव, कोषाध्यक्षमा अयोध्या भट्टराई, सहसचिवमा पवित्रा अधिकारी रहेका छन् । त्यस्तै सदस्यमा नवीन पौडेल, नवराज न्यौपाने, केशव प्रसाद न्यौपाने, चक्रधर विडारी, विवेक अधिकारी, राघवराज तिमल्सिना, गोविन्द ढकाल, केशव सुवेदी, दिव्या वाग्ले र श्रीदेवी सापकोटा रहेका छन् । कार्यक्रममा सम्प्रदायको श्रीवृद्धिमा महत्वपूर्ण योगदान पुर्याउने विभिन्न क्षेत्रका १६ जनालाई सम्मान समेत गरिएको थियो ।
परिषदका जिल्ला अध्यक्ष दुर्गाप्रसाद न्यौपानेको अध्यक्षता, श्रीवैष्णव युवा परिषद् नेपालका केन्द्रीय अध्यक्ष स्वामी लक्ष्मणाचार्यको प्रमुख आतिथ्यता एवं युवा परिषद् केन्द्रीय उपाध्यक्ष वेद प्रसाद आचार्य, हेटौंडा-५ का वडाध्यक्ष सुशील घिमिरे, हेटौंडा-१७ का वडा अध्यक्ष उद्धव सत्यालको विशिष्ट आतिथ्यतामा भएको कार्यक्रममा  जिल्लाका आचार्य एवं मठाधिश स्वामी, वैष्णव परिषद् एवं महिला परिषदका जिल्ला अध्यक्षहरू, युवा परिषद् केन्द्रीय कोषाध्यक्ष, युवा परिषद्  चितवन जिल्ला अध्यक्ष, विश्व हिन्दू महासंघ बागमती प्रदेश हयग्रीव आचार्य, जिल्ला उपाध्यक्ष वासुदेव वत्स लगायतको उपस्थिति रहेको थियो ।