क्यानमाथिको प्रतिबन्ध ९ महिनाभित्र हटाउने

१९ भदौ, काठमाण्डौं । अन्तर्राष्ट्रिय क्रिकेट काउन्सिल (आइसीसी) ले नेपाल क्रिकेट संघ (क्यान) माथि लगाएको प्रतिबन्ध ९ महिनाभित्र हटाउने जनाएको छ । काठमाण्डौंमा पत्रकार सम्मेलन गरी आईसीसीले यस्तो जानकारी दिएको हो ।

आइसीसीका प्रमुख कार्यकारी अधिकृत डेभिड रिर्चडशनले क्यानमाथिको प्रतिबन्ध अर्को वर्षको जुन महिनासम्म हटाउने जानकारी दिएका छन् । उनले यस्ताले अन्तराष्ट्रिय प्रतियोगितामा हुने सहभागितामा असर नपर्ने समेत बताए । उनले आइसीसीको मातहतमा सल्लाहकार समूह बनाउने जानकारी दिए । नेपाल सरकारबाट नाम उपलब्ध गराएपछि दुई साताभित्र सल्लाहकार समूह गठन हुने जनाए । समूहले क्यानको विधान पुनरावलोकन गरेर आइसीसीलाई सुझाव दिइने जनाईएको छ ।

यसअघि आइसीसीका प्रमुख कार्यकारी रिर्चडशनसहितको टोलीले प्रधानमन्त्री दाहालसंगको भेटमा क्रिकेट विकासको लागिप्रतिबन्ध हटाउनेबारे छलफल गरेका थिए । प्रधानमन्त्री दाहालले पनि आइसीसीको सुझाव अनुसार स्वतन्त्र निकाय बनाई क्रिकेटको विकासमा गर्ने प्रतिवद्धता व्यक्त गरेका थिए । भेटमा युवा तथा खेलकुदमन्त्री दलजित श्रीपाइली र राष्ट्रिय खेलकुद परिषद्का सदस्य सचिव केशव विष्ट पनि सहभागी थिए ।