हेटौंडामा ७८ कुस्ती पहलमान जम्मा हुने

२५ पुस, हेटौँडा । राष्ट्रिय खेलकुद परिषद च्याम्पियनसिप अन्तरगत १३ औं कुस्ति प्रतियोगिता हेटौँडामा हुने भएको छ । पुस २७ र २८ गते हुप्रचौरमा प्रतियोगिता हुने आयोजक नेपाल कुस्ती संघले आज हेटौँडामा पत्रकार सम्मेलन गरी जानकारी दिएको हो । 
प्रतियोगितामा २२ महिला र ५६ पुरुष गरी ७८ खेलाडीको सहभागिता रहने छ । प्रतियोगितामा ५३ देखि १२५ केजी तौलसम्ममा पुरुषले प्रतिष्पर्धा गर्नेछन् भने ४३ देखि ७५ केजी तौल समूहसम्ममा महिलाले प्रतिष्पर्धा गर्नेछन् । प्रतियोगितामा १३ लाख रुपैँया खर्च लाग्ने अनुमान गरिएको छ ।
यसैगरी, हेटौंडामा नै च्याम्पियनसिप अन्तरगत नेपाल हक्कि संघले १७ औं हक्की प्रतियोगिता हुने भएको छ । माघ १ देखि ६ गतेसम्म बन विज्ञान अध्ययन संस्थानको चौरमा प्रतियोगिता हुने आयोजकले जनाएको छ । 
५ विकास क्षेत्र र नेपाली आर्मीको टिम गरी ६ टोलीले प्रतिष्पर्धा गर्ने लिग कम नकआउट प्रतियोगिताका लागि २० लाख रुपैँया खर्च हुने संघले जनाएको छ । दुबै प्र्रतियोगिताका विजयी टिमले शिल्ड, मेडल र प्र्रमाणपत्र प्राप्त गर्नेछन् । एसियन खेलकुदको छनौटका लागि प्रतियोगिता भएको जनाईएको छ । 
पत्रकार सम्मेलनमा जिल्ला खेलकुद विकास समितिका अध्यक्ष माधव तिमल्सिना, कुस्ती संघका केन्द्रीय महासचिव विद्यासागर पोखरेल, मूख्य प्र्रशिक्षक खगेन्द्र्रबहादुर बस्नेत, हक्की संघका केन्द्रीय सदस्य मनोज शर्मा, कार्यक्रम संयोजक राजेन्द्र्र पाठक, खेलकुद विकास समितिका कार्यालय सचिव खुशराज दाहाल लगायतको सहभागिता रहेको थियो ।