बागमतीमा दुर्घटना: पदमपोखरीका मुडवरीको मृत्यु

सांकेतिक तस्विर

२ जेठ, हेटौंडा । हेटौंडा-धरान चतरा सडक अन्तरगत बागमती गाउँपालिकामा बुधबार साँझ भएको सवारी दुर्घटनामा एकजनाको मृत्यु भएको छ ।
मृत्यु हुनेमा हेटौंडा-१३ पदमपोखरीका ४५ बर्षीय केशव मुडभरी रहेका छन् । दुर्घटनामा घाइते मुडभरीको उपचारका क्रममा हेटौंडा अस्पतालमा मृत्युु भएको जिल्ला प्रहरी कार्यालय मकवानपुरले जनाएको छ ।
बागमती-४ सादेपुलमा मुडभरी सवार ना.६६ प ९३०३ नम्बरको स्कुटर ना ७ त २२५९ नम्बरको ट्याक्टरमा ठक्कर खाएको प्रहरीले जानकारी दिएको छ ।
घटनापछि ई.प्र.का. फापरबारीबाट समेत प्रहरी टोली खटिई अनुसन्धान गर्ने क्रममा घटनास्थलबाट ३ किलोमिटर उत्तर भोर्लेनीबाट काभ्रेको ताल ढुङ्गा जाने भित्री सडक खण्डमा रड बोकेको ट्याक्टर रोकि राखेको अबस्थामा फेला पारेको र सोही ट्याक्टरमा लोड भएको रडमा मोटरसाइकल चालक ठोक्किएर दुर्घटना भएको जस्तो देखिएकोले ट्याक्टरलाई नियन्त्रणमा लिईएको प्रहरीले जनाएको छ । ट्याक्टर  इप्रका फापरवारीमा ल्याई राखिएको र चालक तत्काल फरार रहेकोले खोजि भइरहेको जिल्ला प्रहरी कार्यालय मकवानपुरका प्रहरी नायव उपरीक्षक लक्ष्मी भण्डारीले जानकारी दिए । 
मृतक मुडभरी पूर्व संचारकर्मी र पदमपोखरीका परिचित व्यवसायी थिए । उनी विभिन्न व्यवसायिक र सामाजिक संघसंस्थामा आवद्ध थिए ।

(मकवानपुर प्रहरीले घटना विवरण दिएपछि अपडेट गरिएको छ)