एनओसी ट्यांकर इकाईमा पाठक

५ फागुन, हेटौँडा । नेपाल यातायात स्वतन्त्र मजदुर संगठन रक्सोल (एनओसी) ट्याङकर रुट इकाइको छैटौं इकाई अधिवेसन हेटौंडामा भएको छ । शनिवार भएको अधिवेशनले इकाई कमिटीको नयाँ कार्य समिति चयन गरेको हो । अधिवेशनले पशुपति पाठकको अध्यक्षतामा ९ सदस्यीय नयाँ कार्य समिति चयन गरेको छ ।

कमिटी उपाध्यक्षमा गणेश बर्तौला, सचिवमा बद्री प्रसाद उप्रेती, कोषाध्यक्षमा दिपक बर्ताैला तथा सहसचिव यादवराज विष्ट चयन भएको कार्यालय प्रमुख सुशान्त गजमेरले जानकारी दिए । कमिटी सदस्यमा हिमाल बर्ताैला, राजकुमार घिमिरे, वार सलिम मिया र टेकराज बोहोरा चयन भएका छन् । अधिवेशनले जिफन्ट् प्रतिनिधिमा डम्बरबहादुर लामा तथा सल्लाहकारहरुमा अर्जुन नेपाल, दीपक मैनाली, हरिशचन्द्र उप्रेती रहेका छन् । संगठनका केन्द्रीय अध्यक्ष भीमज्वाला राइको प्रमुख आतिथ्यतामा भएको कार्यक्रममा इकाई अध्यक्ष अर्जुन नेपालको सभाध्यक्षता रहेको थियो ।

कार्यक्रममा केन्द्रीय उपाध्यक्ष ठाकुर कुमार श्रेष्ठ, उपमहासचिव केशव थापा (निरु), जिल्ला अध्यक्ष नरहरि थापालगायतकाले शुभकामना मन्तव्य व्यक्त गरेका थिए । कार्यक्रममा उपस्थिति अतिथिहरुले वर्तमान समयमा यातायात मजदुरहरुमा समाजले हेर्ने दृष्टिकोण, राज्यले गर्ने व्यवहार, अपर्याप्त भौतिक संरचना र सरकारको करमुखी निर्णयको कारण चौतर्फीरुपमा यातायात मजदुर मात्र अपहेलित हुनु परेको भन्दै गुनासो व्यक्त गरेका थिए ।