मेयर कपमा १ नम्बर वडाको विजयी शुरुवात

१९ फागुन, हेटौँडा । हेटौँडा शनिबारबाट शुरु भएको तेस्रो संस्करणको मेयरकप फुटबल प्रतियोगितामा १ नम्बर वडाले विजयी शुरुवात गरेको छ ।

उद्घाटन खेलमा डिफेन्डिङ च्याम्पियन ७ नम्बर वडालाई २–१ गोलअन्तरले पराजित गर्दै वडा नम्बर १ ले विजयी शुरुवात गरेको हो । खेलको १६ अौं मिनेटमा ७ नम्बर वडाका अनिल थापाले गोल गर्दै अग्रता दिलाएका थिए । तर ७ नम्बर वडाका खेलाडि किरण गुरुङको आत्माघाति गोलपछि खेलको २३ औं मिनेटमा बराबरी भयो ।

खेलको ५२ अौं मिनेटमा सुमन लामाले १ नम्बर वडाका लागि विजयी गोल गरे । ७ नम्बर वडा प्रतियोगिताबाट बाहिरिएको छ । शनिबारको खेलको म्यान अफ द म्याच १ नम्बर वडाका कृष्ण लामा घोषित भए । प्रतियोगिताको विजेता टिमले १ लाख ५० हजार तथा उपविजेताले ७५ हजार प्राप्त गर्नेछन् ।

प्रतियोगिताको सर्वोत्कृष्ट खेलाडिले नगद १५ हजार तथा विधागत उत्कृष्ट खेलाडीले नगद ७ हजार ५ सयका दरले पुरस्कार पाउने खेल व्यवस्थापक जिल्ला खेलकुद विकास समिति मकवानपुरका कार्यालय प्रमुख खुसराज दाहालले बताए । प्रतियोगितामा नगरका १९ वडाका टिमको सहभागिता रहेको छ ।

आइतबार १५ नम्बर वडाले १० नम्बर वडासँग पहिलो खेल खेल्दा दोस्रो खेलमा १८ नम्बर र ३ नम्बर वडाबिच प्रतिष्पर्धा हुनेछ ।