फरेष्ट्री गोल्डकप पियू ए को पोल्टामा

२३ फागुन, हेटौँडा । नेपाल विद्यार्थी संघ कृषि तथा वन विश्वविद्यालय वन संकाय हेटौडाले आयोजना गरेको सुशिल कोइराला मेमोरियल फरेष्ट्री इन्टर टेक्नीकल फुटबल गोल्डकप २०७४ मा पोखरा युनिर्भसिटी ए विजयी भएको छ । बुधबार समपन्न पोखरा युनिर्भसिटी ए र पोखरा युनिर्भसिटी बि बीचको फाइनल खेलमा पोखरा युनिर्भसिटी ए विजयी भएको छ । ए को तर्फबाट खेलको १६ औं मिनेटमा विमान प्रधानले गरेको एक गोलले नै पोखरा युनिर्भसिटी ए विजेता हुन पुगे भने पोखरा युनिर्भसिटी बि उपविजेतामा नै चित्त बुझाउनु पर्यो । विजेताले नगद १ लाख र शिल्ड र उपविजेताले नगद ५० हजार र शिल्ड प्राप्त गरेका थिए । आजको खेलको म्यान अफ द म्याच विमान प्रधान नै भए । त्यस्तै, प्रतियोगिताको खेलमा उत्कृष्ट गोल रक्षक पियू ए का सन्तोष केसी भएका थिए । उत्कृष्ट डिफेन्सर फरेष्ट्री ह्वाइटका दीपेश कार्की र उत्कृष्ट स्ट्राइकर पियु बि का आकाश गुरुङ भए । उत्कृष्ट मिल्ड फिल्डर फरेष्ट्री ब्लुका मनोज बुर्लाकोटी भए भने फरेष्ट्री ह्वाइटका सुरज विष्ठ खेल अवधिमा धेरै गोलकर्ता र उत्कृष्ट खेलाडी घोषित भए । विष्ठले नगद १० हजार प्राप्त गरे । विजेता र उपविजेतालाई नेपाल विद्यार्थी केन्द्रिय संघका महामन्त्री कुन्दनराज काफ्ले, सहमहामन्त्री प्रेमराज जोशी, राजेश रौनियार, केन्द्रिय सदस्य प्रकाश सेढाई, सुमन भोम्जन खेलकुद प्रतिष्ठानका महासचिव तथा वडा अध्यक्ष सविन न्यौपाने, कांग्रेस पार्टी प्रवक्ता प्रदिप कोइराला, जिल्ला सभापति राजु खतिवडा, ईकाइ सभापति प्रकाश तिवारीलगायतले प्रमाण पत्र वितरण गरेका थिए ।