चौथो निजगढ गोल्डकप सुरु

प्रभात तिमल्सिना २४ फागुन, निजगढ । चौथो निजगढ गोल्डकप प्रतियोगिता आजबाट निजगढमा शुरु भएको छ । प्रतियोगिताको समुद्घाटन निजगढ नगरपालिकाका मेयर सुरेश कुमार खनालले गरेका थिए । बिहिबार सुरु भएको प्रतियोगिताको पहिलो उदघाटन खेलमा भरतपुर फुटबल क्लबले विजयी सुरुवात गरेको छ । भरतपुर फुटबल क्लब र गोलबजार फुटबल क्लबबीच भएको खेलको निर्धारित ९० मिनेटको समय दुवै टिमबाट दुई दुई गोलको बराबरी भएपछि खेल टाइब्रेकरमा धकेलिएको थियो । टाइब्रेकरमा भरतपुरले गोलबजारलाई चार का बिरुद्ध दुई गोलको अन्तरले पराजित गरेको हो । खेलको पहिलो हाफमा आक्रमक खेलेको भरतपुरको तर्फबाट खेलको ७ औं र १७औं मिनेटमा काभिष्म क्षेत्रीले दुई गोल गरी टिमलाई अग्रत दिलाएका थिए । दुई गोलले पछाडि परेको गोलबजारले पहिलो हाफको अतिरिक्तm समयमा जर्सी न. २३ का सुजन थापाको गोलको सहयोगले टिमलाई खेलमा फर्किएको थियो । त्यस्तै दोस्रो हाफको ११ औं मिनेटमा गोलबजारको तर्फबाट जर्सी न. ९ का अमन लामाले गोल गर्दै खेललाई बराबरी पुयाएका थिए । आजको खेलमा भरतपुर फुटबल क्लबका गोल रक्षक मनोज गुरुङ्ग म्यान अफदिम्याच घोषित भएका थिए । गोल्डकपमा नेपालआइस मुख्यप्रायोजन तथा निजगढ युवाक्लबको आयोजना रहेको छ ।