बेतिनी पुगेर मुख्यमन्त्री बानियाँले भनेः कांग्रेसले चुनावमा भाग लिन्छ

२२ मंसिर, हेटौँडा ।  । बागमती प्रदेशका मुख्यमन्त्री इन्द्र बहादुर बानियाँले फागुन २१ मा हुने प्रतिनिधिसभाको निर्वाचनमा  कांग्रेस सहभागि हुने बताएका छन् । मकवानपुरको बिकट मानिएको बागमती गाउँपालिका वडा नम्बर ९ बेतिनिमा पुगेर सोमबार कांग्रेस बेतिनि वडा कार्य समितिले आयोजना गरेको अगुवा कार्यकर्ता भेला तथा सम्मान कार्यक्रमलाई सम्बोधन गर्दै मुख्यमन्त्री बानियाँले यसो बताएका छन् । 
नेपाली कांग्रेस बागमतीका प्रदेश सभापतिसमेत रहेका बानियाँले मुलुक निर्वाचनमा गएकाले पार्टीभित्र थप एकता आवश्यक रहेको बताएका छन्।निर्वाचन प्रति लक्षित गर्दै बानियाँले अब पार्टीले योग्य व्यक्तिलाई उम्मेदवार चयन गर्नेछ र टिकट नपाउनेले अन्तरघातमा लाग्न नहुने भन्दै एक भएर अघि बढ्नुको विकल्प नरहेको बताएका छन् । मुख्यमन्त्री बानियाँले ललितपुरको सिमानमा पर्ने बतिनिबाट मकवानपुर र ललितपुर जोड्ने बागमती नदीमा मोटरेवल पुल निर्माणका लागि बजेट व्यवस्थापन गर्ने प्रतिबद्धता जनाएका छन्। कार्यक्रममा ४० जना अगुवा कार्यकर्तालाई सम्मान गरिएको थियो ।कार्यक्रममा कांग्रेस मकवानपुर सभापति बुद्ध लामा, सहसचिव इन्दिरा न्योपाने, क्षेत्रीय सभापति दामोदर खनाल,काँग्रेस मकवानपुरका नेता प्रभात दाहाल, काँग्रेस मकवानपुर क्षेत्र नम्बर २ ख का सभापति रंजन कालाखेती लगायतको उपस्थित थिए ।
त्यसैगरी मुख्यमन्त्री बानियाँले बेतिनिको कार्यक्रम सक्काएर मकवानपुर र काभ्रे जोड्ने महाभारत गाउँपालिकामा बागमती नदीमा बन्दै गरेको सिक्रेदोभान पुलको अवलोकन गरका छन्।अवलोकनका क्रममा बानियाँले आगामी वैशाखभित्र पुलको निर्माण सम्पन्न गर्न ठेकेदार कम्पनीलाई निर्देशनसमेत दिएका थिएका थिए ।