हेटौंडामा सडक विस्तार विरुद्धको मुद्धामा मिसिल झिकाउन आदेश

२६ मंसिर,हेटौँडा । सडक डिभिजन कार्यालय गतहप्ता हेटौंडा बजार क्षेत्रमा सडक विस्तारका  विरुद्ध परेको मुद्धामा मिसिल झिकाउन आदेश भएको छ । सर्वोच्च अदालतमा दायर भएको मुद्धामा अदालतका न्यायाधीश कुमार रेग्मी र न्यायाधीश महेश शर्मा पौडेलको संयुक्त इजलासमा शुक्रबार भएको बहस तथा छलफलमा सडक विस्तार सम्बन्धी मुद्धाका मिसिल झिकाउने आदेश भएको हो ।

डिभिजन सडक कार्यालय हेटौंडाको निर्णय विरुद्ध विन्दवासिनी कंसाकार समेतले १६ मंसिरमा दायर गरेको रिट निवेदनमाथि सर्वोच्चले सुनुवाइ गर्दै उक्त मुद्धा सम्बन्धी विगतमा भएका अदालतको निर्णय र विचाराधिन मुद्धाको मिसिल झिकाउने आदेश भएको हो । उक्त आदेश अनुसार आगमी पेशीमा सो मुद्धाका विगतका निर्णयहरु हरेर छलफल हुनेछ ।
पूर्व सांसद विन्दवासिनी कंसाकार समेत ६ जनाले डिभिजन सडक कार्यालय हेटौंडा, मकवानपुर सहितका निकायलाई विपक्षी बनाएर दायर गरेको उक्त मद्धामा मंसिर २१ गते आइतबार दिउँसो उत्प्रेषण आदेश प्राप्त भएको भन्दै सडक विस्तार कार्य तत्काललाई स्थिगीत गरेको थियो । सडक डिभिजन कार्यालयले मंसिर २० गते शनिबार हेटौँडा रातोमाटे देखि बुद्धचोक,राप्ती रोड तथा चौकिटोल तर्फ मुख्य राजमार्गको २५ गजभित्र पर्ने करिब ५१० घर टहरा भत्काएको थियो ।