मकवानपुरमा भएको छुट्टाछुट्टै दुर्घटनामा २ जनाको मृत्यु

४ वैशाख , हेटौंडा  । मकवानपुरमा भएको छुट्टाछुट्टै स्थानमा भएको सवारी दुर्घटनामा परेर २ जनाको ज्यान गएको छ ।
शुक्रबार अपरान्ह धरान चतरा सडकखण्ड अन्तर्गत हेटौंडा १८ भक्तिचोकमा ना ३९ प ३७५ र बा प्र ०३ -००५ प ७२१९ नम्बरको मोटरसाइकल एक आपसमा ठक्कर खाएर भएको घटनामा दुवै सवरीका ५ जना घाइते भएका थिए । दुर्घटनामा  ३७५ नम्बरको मोटरसाइकलमा सवार हेटौंडा १८ का अन्दाजी ३५ वर्षीय राजु थिङ,बागमती गाउॅंपालिका ६ का अन्दाजी ४० वर्षीय अन्त बहादुर बि.सि त्यसैगरी ७२१९ नम्बरको मोटरसाइकलमा सवार हेटौंडा १८ का ३८ वर्षीय सुर्यमणि खतिवडा ,नाम नखुलेका अन्दाजी १०/१२ वर्षीय प्रशान्त वाइबा र नाम नखुलेका अन्दाजी ३५/३६ वर्षीय एक पुरुष घाइते भएको जनाइएको छ । घाइते मध्ये नाम नखुलेका ३५/३६ वर्षीय एक पुरुषको उपचारको क्रममा हेटौंडा अस्पतालमा ज्यान गएको जनाइएको छ । त्यसैगरी धरान चतरा सडक खण्ड अन्तर्गत नै बागमती ७ पाथिभरामा हेटौंडाबाट सिन्धुली जादै गरेको प्रदेश ३ -०१ -०२३ च ३०८१ नम्बरको कार र सडक छेउमा रोकिरहेको ना २ ह ४५९२ नम्बरको अटो ठोक्कदिदा अटोमा सवार एक महिलाको ज्यान गएको छ । दुर्घटामा गम्भीर घाइते स्थानीय ४० वर्षीय चिनीमीया रुम्बोको उपचारको क्रममा हेटौंडा अस्पतालमा ज्यान गएको मकवानपुरका प्रहरी प्रवक्ता डिएसपी पुष्कर बोगटीले जनाएका छन् । दुर्घटनामा अटो चालक बागमती ८ का २५ वर्षीय यमन राई , अटोमा सवार बागमती ७ का   अन्दाजी ११ वर्षीय सुबिन पुलामी घाइते रहेको र हेटौंडामा उपचार भइरहेको जनाइएको छ । दुर्घटनामा घाइते कार चालकको प्रहरी निगरानीमा उपचार भइरहेको जनाइएको छ ।