नेपाल नामिबियासँग ८ विकेटले पराजित

८ साउन, हेटौंडा । विश्वकप लिग-२ अन्तर्गत नेदरल्यान्ड्स भ्रमणमा रहेको नेपाल लगातार दोस्रो खेलमा पराजित भएको छ। बिहीबार भएको खेलमा नेपाल घरेलु टोली नेदरल्यान्ड्स सँग ६ विकेटले पराजित भएको हो। यसअघि नेपाल नामिबियासँग ८ विकेटले पराजित भएको थियो।
नेपालले दिएको १ सय ५८ रनको लक्ष्य डच टोलीले ३५ बल बाँकी हुँदै ४ विकेट गुमाएर पुरा गर्यो। उसका लागि कप्तान स्कट एड्वार्डले ८९ बलमा २ चौका र १ छक्काको सहयोगमा ६१ रनको अविजित इनिङ खेल्दा उनलाई नोवाच क्रोसले ३४ रनमा नटआउट साथ दिए।
यी दुईले पाँचौं विकटका लागि ८५ रनको अविजित साझेदारी गर्दै टिमको जित निश्चित गरेका थिए। त्यसअघि सेड्रिक डि लाङ्ग र जाच लियोन काच्टले समान २१-२१ रन बनाएका थिए। नेपालका लागि सोमपाल कामी, दिपेन्द्र सिंह ऐरी र ललित राजवंशीले समान १-१ विकेट लिए।
त्यसअघि नेपाल ४४.४ ओभरमा अलआउट हुँदै १ सय ५७ रनमा समेटिएको थियो। टस हारेर पहिले ब्याटिङ गरेको नेपालक लागि आरिफ शेखले ९० बलमा ४१ रन बनाउनु सर्वाधिक रह्यो। उनी बाहेक गुल्सन झाले २९ रन बनाउँदा सोमपाल कामीले १० रन तथा करण केसीले १३ रन बनाएका थिए।
त्यस्तै आसिफ शेखले १४ रन बनाउँदा अन्यको प्रदर्शन गतिलो रहेन्। नेपाललाई सामान्य स्कोरमा समेट्ने क्रममा डच टोलीका लागि एलेक्स रोय र रोएलअफ भान डेर मेरविले समान ३-३ विकेट लिए। त्यस्तै लोगन भान विकले २ तथा क्याली क्लेइनले १ विकेट लिएका थिए।