मदन भण्डारी कप भेट्रान फुटबल मदन भण्डारी एकेडेमी काठमाडौंको पोल्टामा  

१५ बैशाख, हेटौँडा । मदन भण्डारी स्र्पोट्स एकेडेमी मकवानपुरको आयोजना भएको   पहिलो मदन भण्डारी कप भेट्रान राष्ट्रिय सेभेन ए साईड फुटबल प्रतियोगिताको उपाधि  आयोजक मदन भण्डारी स्र्पोट्स एकेडेमीले हात पारेको छ ।  
हेटौंडा ४  हुपाचौरको खेल मैदानमा  भएको फाईनल खेलमा एकेडेमीले चितवन भेट्रानलाई  ट्राइब्रेकरमा ३–१ को गोलले पराजीत गरेको हो ।      
 निर्धािरत समयमा खेल २–२ गोलको बराबरीमा सकिएपछि  खेल ट्राइब्रेकरमा धकेलिएको हो । ट्राइब्रेकरमा धकेलिएको खेलमा  मदन भण्डारीको तर्फबाट राकेश श्रेष्ठ तथा कृष्ण मालाकार तथा चितवनको तर्फबट दिपक कार्की र रविन्द्र श्रेष्ठले गोल गरेका थिए ।
 बैशाख १३ गतेबाट संचालनमा भएको  प्रतियोगितामा  देश भरका १२ वटा टिमले सहभागिता जनाएका थिए । 
प्रदेश नंबर ३ का मुख्यमन्त्री डोरमणी पौडेलको प्रमुख आतिथ्यतामा भएको कार्याक्रममा विजेता  मदन भण्डार  एकेडेमीलाई नगद ५० हजार सहित शिल्ड मेडल  तथा  उपविजेता  चितवन भेट्रानले नगद २५ हजार सहित शिल्ड, मेडल तथा प्रमाणपत्र प्राप्त गरे विजेता र उपविजेता दुवै टिमलाई प्रमुख अतिथी पौडेलले पुरस्कार वितरण गरेका थिए ।     

 खेलको  म्यान म्यान अफ द म्याच चितवनका दिपक कार्की  घोषित भएका थिए  ।
एकेडेमीका अध्यक्ष निरजसिंह ठकुरीको सभाध्यक्षतामा भएको समापन कार्यक्रममा  पुर्व खेलकुद मन्त्री पुरुषोत्तम पौडेल, जिल्ला समन्वय समितिका प्रमुख रघुनाथ खुलाल, उपप्रमुख भगवती पुडासैनी, एमालेका नेता ललित बस्नेत, रामेश्वर राना, मदन भण्डारी स्र्पोट्स एकेडेमीका केन्द्रीय महासचिव बचन देउजा, केन्द्रीय सदस्य नविन सिग्देल लगाएतको उपस्थिती रहेको थियो ।