चिसापानीको सातौं साधारण सभा

८ असोज, हेटौँडा । हेटौँडा–१९ मा रहेको चिसापानी बचत तथा ऋण सहकारी संस्था लिमिटेडको सातौं बार्षिक साधारण सभा शनिबार सम्पन्न भएको छ । केन्द्रिय दुग्ध सहकारी संघका केन्द्रिय अध्यक्ष नारायणप्रसाद देवकोटाको प्रमुख आतिथ्यतामा कार्यक्रम भएको हो ।
कार्यक्रममा अध्यक्ष कृष्णप्रसाद सापकोटाबाट संस्थागत प्रतिवेदन, कोषाध्यक्ष प्रल्हाद घिमिरेबाट आर्थिक प्रतिवेदन, लेखा समिति संयोजक गोविन्द दाहालबाट लेखासमिति प्रतिवेदन प्रस्तुत गरेका थिए ।
भेलामा ज्येष्ठ सदस्य बुद्धिनाथ दाहाल, नियमति बचतकर्ता विष्णुप्रसाद तिमल्सिना, खिनामाया कटुवाल र रामबहादुर घलान, उत्कृष्ट ऋणी जयप्रकाश घिमिरे र २०७२ सालको प्रवेशिका परीक्षामा उत्कृष्ट अंक ल्याउने लकिम दाहाल, प्रिया गौतम र पवन घिमिरेलाई सम्मान गरिएको थियो ।

भेलामा जिल्ला सहकारी संघका सदस्य अर्जुन वाग्ले, महामति सहकारीका अध्यक्ष रामकृष्ण तिवारी, गरिवि निवारण सहकारीका अध्यक्ष पुष्पराज पराजुली, अशोक बाटिका सहकारीका अध्यक्ष योगनाथ दंगाल, सहकर्मी सहकारीका अध्यक्ष मदनकुमार दाहाल, किसान दुग्ध उत्पादक सहकारीका अध्यक्ष बद्री भण्डारी, चेतनशिल दुग्ध उत्पादक सहकारीका अध्यक्ष कृष्णप्रसाद घिमिरे लगायतले मन्तव्य व्यक्त गरेका थिए ।